दाङको सिरक–डसना उद्योगमा ठूलो आगलागी

• Posted: Wednesday, May 30, 2018 20:44 PM ( 3 years ago )

दाङ, जेठ १६ – दाङको तुलसीपुर–९, मा रहेको राजु तामाङको दोघरे सिरक डसना उद्योगमा बुधबार साँझ ठूलो आगलागी भएको छ । 

उद्योगमा लागेको आगो तीन घण्टा बित्दा पनि निभाउन सकिएको छैन ।  आगलागीबाट लाखाँैको धनमाल जलेर नष्ट भएको छ । विद्युत सर्ट भई लागेको आगोका कारण सिरक, डसना बनाउन प्रयोग गरिने कच्चा पदार्थ, कपास, मेसिन, उपकरण, तयारी अवस्थामा राखिएका सिरक, डसना, तकियालगायतकासामग्री जलेर नष्ट भएको पीडित परिवारले बताएको छ । 

उद्योगमा आगलागीको घटना भए लगत्तै स्थानीयबासी, नेपाली सेना, नेपाल प्रहरी, सशस्त्र प्रहरी, तुलसीपुर उपमहानगरपालिको दमकलले आगो नियन्त्रणमा लिने प्रयास गरिरहेका छन् । प्रारम्भिक जानकारी अनुसार झण्डै ३० लाखको क्षति भएको र अझै विस्तृत विवरण आउँन बाँकी रहेको इलाका प्रहरी कार्यालय तुलसीपुरका प्रहरी नायव उपरीक्षक प्रकाश सापकोटाले जानकारी दिनुभएका ेछ ।

तस्बिर : बालाराम खड्का