​जब निर्देशकको नजर सोनाक्षी र इलियानामा रोकियो...

• Posted: Monday, May 28, 2018 07:13 AM ( 4 years ago )

जेठ १४ – केही दिन अगाडि बलिउड अभिनेता अजय देवगन र निर्देशक अनिस बाजमीले साथमा काम गर्ने बाहिरिएको थियो । दुवैजनाले चलचित्र ‘साढे साती’ को निर्माण गर्दैछन । यो चलचित्र कमेडी धारमा निर्माण हुने र निकै मनोरञ्जनात्मक हुने बताइएको छ । यही चलचित्रका लागि अनीस बाजमी लामो समयदेखि अभिनेत्रीको खोजीमा रहेका थिए ।

निर्देशक अनिस बाजमीको नजर अभिनेत्री सोनाक्षी सिन्हा र इलियाना डिक्रुजमा रोकियो । निर्देशक बाजमी ‘साढे साती’ का लागि अजयको जोडीको रुपमा इलियानालाई साइन गर्ने कि सोनाक्षीलाई भनेर दुविधामा छन् । 
 
अनिस बाजमीले उनको पछिल्लो चलचित्र ‘मुवारकां’ मा इलियानाका साथ काम गरेका थिए । उनले इलियानाका साथ काम गर्न निकै सजिलो भएका महशुस गरेका छन् । पछिल्लो समयमा ‘बादशाहो’ र ‘रेड’ मा अजय देवगन र इलियानाले एकसाथ काम गरेका थिए ।

अजयले सोनाक्षी सिन्हाका साथ पनि काम गरिसकेका छन् । अजय र सोनाक्षीले चलचित्र ‘सन अफ सरदार’ र ‘एक्सन ज्याक्सन’ मा स्क्रिन शेयर गरिसकेका छन् । यी दुईको जोडीलाई दर्शकले निकै मन पराएका थिए ।

चलचित्र ‘साढे साती’ मल्टी स्टारर चलचित्र हुनेछ । जसमा अजय देवगनका अलावा अनिल कपूर र अन्य चार जना स्टारहरुले अभिनय गर्नेछन् ।  यस चलचित्रका लागि अनिस बाजमीले सोनाक्षीलाई मौका दिनेछन वा इलियाना डिक्रुजलाई, यस कुराको टुंगो लगाउन भने बाँकी नै छ ।