Total Hits: 0

कलंकी – कोटेश्वर सडकमा दुर्घटना बढ्यो

  • Posted: Sunday, May 27, 2018 11:47 AM ( 4 years ago )

काठमाडौं, जेठ १३ – विस्तारको क्रममा रहेको कलंकीदेखि कोटेश्वर सडकखण्डमा दुर्घटनाको जोखिम बढ्दै गएको छ । यो सडकखण्डको बालकुमारीदेखि सानेपासम्ममा मात्रै ६ महिनाको अवधीमा ८ जनाको ज्यान गएको ट्राफिक प्रहरी परिसर ललितपुरले जनाएको छ ।

परिसरका अनुसार ८ लेनको भएपछि यो सडकखण्डमा २ सय २९ वटा दुर्घटना भएका छन् । जसमा ८ जनाको ज्यान गएको छ भने १ सय ९ जना घाइते भएका छन् । दुर्घटनामा परि दुईजना पैदलयात्रु, मोटरसाइकल पछाडि बस्ने २ जना र मोटरसाइहकल चालक ४ जनाको ज्यान गएको ललितपुरका ट्राफिक प्रहरी प्रमुख सिताराम हाछेथुले जानकारी दिनुभयो ।

उहाँका अनुसार ग्वार्कोको बिएण्डबी अस्पताल अगाडिको ओरालोमा मात्रै ७८ वटा दुर्घटना हुँदा ४ जनाको ज्यान गएको हो । यो क्षेत्रमा दुर्घटना बढेपछि बिएण्डबी अगाडि बढी दुर्घटना हुने क्षेत्र भन्दै सचेत हुन आग्रह गरिएको होडिङबोर्ड पनि राखिएको छ ।

सडक सुरक्षासम्बन्धी ट्राफिक लाइट, जेब्रा क्रसिङ, डिभाइडर, लगायतका ट्राफिक संकेत नभएको तथा चालकले तीव्र गतिमा गाडी चलाउँदा दुर्घटना बढेको पनि प्रहरी प्रमुख हाछेथुको भनाई छ । उहाँले दुर्घटना कम गर्न अस्थायी रुपमा भएपनि जेब्रा क्रसिङ राख्न चक्रपथ विस्तार आयोजनालाई आग्रह गर्नुभएको छ ।

आयोजना प्रमुख प्रकाशचन्द्र भण्डारीले भने सडक विस्तारको काम अझै बाँकी रहेकाले सडक सुरक्षासम्बन्धी ट्राफिक संकेत नराखिएको बताउनुभयो । उहाँका अनुसार अहिले कोटेश्वरदेखि सानेपासम्म पहिलो चरणको कालोपत्रे सकिएको हो । सानेपादेखि बल्खुसम्म एक चरणको कालोपत्रे सकिएपछि फेरि कोटेश्वरदेखि कलंकीसम्म नै अर्को चरणको कालोपत्र गर्ने र त्यसपछि मात्रै ट्राफिक संकेत राख्ने उहाँको भनाई छ ।

यस्तै आउँदो साउन महिनासम्ममा सक्ने लक्ष्य राखिएको काम पुससम्ममा मात्रै सक्ने आयोजनाको तयारी छ । अहिलेसम्म सडक विस्तारको काम ९३ प्रतिशत सकिएको छ । मनसुन सुरु हुन लागेकाले विस्तारको जिम्मा लिएको चीनको सांघाई कन्स्ट्रक्सन ग्रुप कम्पनी लिमिटेडले मनसुनपछि मात्रै सडक विस्तारको काम सकेर नेपाल सरकारलाई हस्तान्तरण गर्ने बताएको आयोजना प्रमुख भण्डारीले जानकारी दिनुभयो ।

कंलकीदेखि कोटेश्वरसम्मको सडकखण्ड तीन वर्षभित्र ८ लेनको बनाउने गरि २०७० साल भदौदेखि काम सुरु भएको हो । तर २०७२ सालको भूकम्प र त्यसपछिको नाकाबन्दीका कारण ढिलाई भएको भन्दै पोहोर एक वर्षको समय थपिएको थियो । यद्यपी आउँदो साउनसम्ममा पनि सडक विस्तारको काम सम्पन्न नहुने देखिएको छ । मनसुनमा कालोपत्रे गर्न नसकिने र पानी परेपछि सडकमा कतै खाल्डाखुल्डी देखिने त्यो पनि पुर्ने काम गरेर आउँदो पुस अन्तिमसम्ममा मात्रै नेपाल सरकारलाई हस्तान्तरण गर्ने चिनियाँ कम्पनीको तयारी रहेको चक्रपथ विस्तार आयोजनाले जनाएको छ ।

 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook