Total Hits: 0

मैलुङ–स्याफ्रुबेंसी सडकको डीपीआर अन्तिम चरणमा

  • Posted: Thursday, May 24, 2018 19:52 PM ( 4 years ago )

रसुवा, जेठ १० – राष्ट्रिय प्राथमिकता प्राप्त मैलुङ–स्याफ्रुबेँसी सडकको विस्तृत परियोजना प्रतिवेदन (डीपीआर) अन्तिम चरणमा पुगेको छ ।

नेपाली सेनाले निर्माण गरेर हस्तान्तरण गरेको सडकको डीपीआर एक हप्ताभित्र सकिने गल्छी–त्रिशुली–मैलुङ–स्याफ्रुबेँसी–रसुवागढी सडक योजनाले जनाएको छ । डीपीआरको काम सकिएपछि टेन्डर गरिने कार्ययोजना बनाइएको छ ।

निर्माण गरिएको सडकको अहिले डीपीआर निर्माण गर्नुको साथै भेरिफिकेसनको काम भइरहेको योजना प्रमुख सुवोधकुमार देवकोटाले बताउनुभयो । गल्छीदेखि बेत्रावती, बेत्रावतीदेखि स्याफ्रु र स्याफ्रुदेखि रसुवागढीसम्म तीन चरणमा काम भइरहेको छ । 

सेनाले निर्माण गरेको मैलुङदेखि स्याफ्रुबेँसीसम्मको १७ किलोमिटर सडक जेठ ६ गते योजनालाई हस्तान्तरण गरिएको थियो । सडकमा ११ मिटर चौडा कालोपत्रे गरिने योजनाले जनाएको छ ।

चीनसँगको व्यापारका लागि महत्वपूर्ण मानिएको छोटो दूरीको यो सडक पासाङल्हामु राजमार्गको बेत्रावती–धुन्चे–स्याफ्रुबेँसी सडकभन्दा २५ किलोमिटर छोटो छ । जेठ अन्तिमसम्ममा टेन्डर निकाल्ने र वर्षायामपछि सडकको स्तरोन्नती गरिने कार्ययोजना बनाइएको छ ।

जोखिमलाई मध्यनजर गर्दै नवनिर्मित सडकमा सार्वजनिक यातायात सञ्चालन गर्न दिइएको छैन । गल्छीदेखि स्याफ्रुबेँसीसम्म निर्माण गरिने १४ वटा पुलमध्ये ११ वटा टेन्डर भइसकेको र तीनवटा पुलको डिजाइन भइरहेको योजनाले जनाएको छ । स्याफ्रुबेँसीदेखि रसुवागढीसम्मको सडकको सर्भेको काम सकिएको योजनाले जनाएको छ । 

सडक निर्माणका लागि कार्यालय स्थापना गर्न जग्गा खोज्ने कार्य पनि भइरहेको छ । नयाँ सडकमा प्रहरी चेकपोष्ट तथा नेपाली सेनाको पोष्ट राख्ने तयारी भएको छ । 
मैलुङ–स्याफ्रुबेँसी सडक निर्माण कार्यदलले २०७२ वैशाखदेखि सुरु गरेको दुई लेनको १७ किलोमिटर सडक निर्माण सम्पन्न भएको निर्माण कार्यदलका प्रमुख एवं प्राविधिक सेनानी सञ्जय केसीले बताउनुभयो । 

सुरुमा ७ किलोमिटर एक लेनको सडक निर्माणको जिम्मेवारी पाएको निर्माण कार्यदललाई भूकम्पपछि १० किलोमिटर थप सडक निर्माण गर्ने जिम्मेवारी थपिएको थियो । १७ किलोमिटर सडक दुई लेनको बनाएको सेनाले भूकम्पले क्षति गरेको सिम्लेदेखि मैलुङसम्मको ६ किलोमिटर सडक एक लेनको बनाएको छ । 
सडक निर्माण तथा स्तरोन्नतीको काम दुई वर्षभित्र सम्पन्न गरिने योजनाले जनाएको छ । 

 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook