Total Hits: 0

ठेकेदारको एउटै स्वर– सरकारकै कारण काममा अप्ठ्यारो

  • Posted: Thursday, May 24, 2018 10:39 AM ( 3 years ago )

किरण लोहनी/उज्यालो । 

गोरखा, जेठ १० – समयमै काम सम्पन्न नगर्ने ठेकेदारलाई सरकारले कारबाही गर्ने तयारी गरिरहँदा निर्माण व्यवसायीहरुले भने तोकिएको समयमा काम गर्न नसक्नुको दोष सरकारलाई नै दिएका छन् । सरकारकै कारण समयमै काम नसकिएको दावी गर्दै उनीहरुले कारबाहीको धम्की दिएर सरकारले आफूहरुलाई आतंकित पारेको बताएका छन् ।

जिल्ला प्रशासन कार्यालयमा भएको छलफलमा गोरखाका निर्माण व्यवसायी र जिल्लामा काम गरिरहेका अन्य व्यवसायीले नदीजन्य पदार्थको अभावका कारण काम गर्न अप्ठ्यारो परेको बताएका हुन् । मध्यपहाडी लोकमार्ग अन्तर्गत आरुघाट निवेल खण्डको काम गरिरहेका व्यवसायी सूर्यबहादुर खड्काले अन्य जिल्लाको तुलनामा गोरखामा नदीजन्य पदार्थ संकलनमा कडाई गरिएको भन्दै त्यसलाई खुकुलो बनाउन आग्रह गर्नुभयो ।

सहज रुपमा नदिजन्य पदार्थ नपाए ठेक्का छोडेर भाग्ने बाहेक अन्य उपाय नरहेको खड्काको भनाई छ । ‘तपाईहरुकै जिल्लाको विकास हुने हो, नदीजन्य पदार्थ झिक्न सजिलो बनाइदिनुस्, हामी बाँकी काम समयमै पूरा गर्छौं’ खड्काको दावी छ ।

यस्तै, निर्माण उद्योग परिषदका केन्द्रीय अध्यक्ष समेत रहेका खोपनिधी लोहनीले भूकम्प, नाकावन्दी र चुनावका कारण निर्माणको काम समयमै सम्पन्न गर्न नसकिएको दावी गर्नुभयो । उहाँको निर्माण कम्पनी लोहनी एण्ड ब्रदर्शले ११ किलो वारपाक सडक अन्तर्गत ८ किलोमिटर सडक कालोपत्रेको काम गरिरहेको छ । तर सम्झौता अवधी सकिसक्दा सो कम्पनीले जम्मा ३० प्रतिशतमात्रै काम सकेको छ ।

“नदीजन्य पदार्थ कसैको पेवा होइन, देशका सबै नागरिकको साझा सम्पत्ति हो” प्रजिअ समक्ष उहाँले भन्नुभयो, “अन्त कहीँ नभएको नियम यहाँ चाहिँ किन चाहियो ?” चाहे अनुसार ढुंगा र वालुवा संकलन गर्न पाउनु पर्ने लोहनीले बताउनुभयो ।

दलहरुलाई चन्दा दिँदादिदै निर्माण व्यवसायीहरु हैरान भएको भन्दै लोहनीले अहिले आएर कारबाहीको धम्की दिनु नाजायज भएको बताउनुभयो । काम गर्ने उपाय पनि नभएको र भाग्ने ठाउँपनि नभएकाले व्यवसायीहरुलाई आत्महत्या गर्ने अवस्था आउन नदिन उहाँले आग्रह गर्नुभयो । “काम गर्ने उपाय छैन, भागेर जाउँ भने सरकारले समातिहाल्छ, उसो भए के हामीले आत्महत्या गर्नुपर्ने हो ?” लोहनीले प्रश्न गर्नुभयो ।

निर्माण व्यवसायी संघ गोरखाका अध्यक्ष बाबुराम श्रेष्ठले समयमै निर्माणको काम गर्न नसकिनुको कारण पत्ता लगाएर समाधानको उपाय खोज्न आग्रह गर्नुभयो । संघका उपाध्यक्ष उत्तम भट्टले समयमै निर्माणको काम सकेर सरकारलाई हस्तान्तरण गर्ने चाहना हुँदाहुँदै विभिन्न कारणले नसकिएको बताउनुभयो । छलफलमा सहभागी धेरैजसो व्यवसायीले नदीजन्य पदार्थको सहज उपलब्धता नहुँदा निर्माणको काममा अप्ठ्यारो परेको बताए पनि स्थानीय समन्वय अधिकारी नारायण आचार्यले भने त्यसलाई मात्रै दोष देखाएर उम्कने अवस्था नरहेको बताउनुभयो ।

जिल्लामा मागको तुलनामा नदीजन्य पदार्थ उपलब्धता कम भएपनि सहजै उपलब्ध गराइएका व्यवसायीले पनि समयमै काम नसकेको उहाँको भनाई छ । 

छलफलमा प्रमुख जिल्ला अधिकारी नारायणप्रसाद भट्टराईले ढुंगा, गिट्टीकै कारण निर्माण कार्य प्रभावित भएको व्यवसायीको तर्कमा दम नभएको बताउनुभयो । नियमसंगत रुपमा नदीजन्य पदार्थ संकलनको काम गर्नका लागि प्रशासनले कतैपनि रोक नलगाएको भन्दै उहाँले नियम विपरीत गर्नेलाई कारबाही गरिएको स्पष्ट पार्नुभयो ।

आउँदो वर्षदेखि नदीजन्य पदार्थको माग र आपूर्तिको विश्लेषण गरेर मात्रै ठेक्का लगाउन पहल गरिने भन्दै उहाँले यसअघिका काममा ढिलाई गर्नेलाई भने कारबाही गरिने स्पष्ट पार्नुभयो । ‘ठेक्का सम्झौताभर वेपत्ता हुने अनि अन्तिम समयमा आएर अनेक बहाना बनाउन पाईँदैन’ उहाँले भन्नुभयो, ‘सरकार विकासका काममा व्यवसायीलाई सहजीकरण नै गर्छ ,तर लापरवाही गर्नेलाई छोडिन्न ।’ 

 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook