Total Hits: 0

​१७ वर्षपछि बन्यो बुइपा–ओखलढुंगा ३३ केभी प्रशारण लाइन

  • Posted: Wednesday, May 23, 2018 19:18 PM ( 4 years ago )

ओखलढुंगा, जेठ ९– खोटाङको बुइपा हुँदै ओखलढुंगा सदरमुकाम जोड्ने ३३ केभी विद्युत प्रशारण लाइन १७ वर्षपछि सम्पन्न भएको छ ।

विवाद र आयोजनाको ढिलासुस्तीका कारण २०५७ सालदेखि सुरु भएको आयोजना सम्पन्न हुन १७ वर्ष लागेको हो । आयोजना सम्पन्न भएपछि अहिले ओखलढुंगाको मोलुंग खोलाबाट उत्पादित विद्युत समेत केन्द्रीय आयोजनामा जोडिएको छ भने सदरमुकाम र आसपासमा विद्युत विस्तार सुरु भएको छ । 

२४ करोड लागतमा १७ वर्ष लगाएर आयोजना सम्पन्न गरिएको आयोजना प्रमुख चन्दबीर खड्काले बताउनुभयो । विभिन्न स्थानमा आएका अवरोध र पहिले थालेर अलपत्र छोडिएको पूरा गर्नु पर्ने आयोजना भएकाले काम सम्पन्न गर्न समय लागेको उहाँको भनाई छ । ‘हामीले काम त गएको पुसमै सम्पन्न गरेका हौं’, खड्काले भन्नुभयो, ‘अहिले विद्युत प्रशारण सुरु भएको छ ।’

केन्द्रीय विद्युत प्रशारण लाइन ओखलढुंगा जोड्ने त्यस आयोजना निर्माण सम्पन्न भएपछि ओखलढुंगामा विद्युत नियमित भएको छ । आयोजनाको पर्खाइमा बसेका ओखलढुंगाका नागरिकलाई केन्द्रीय विद्याुत प्रशारण अयोजनाको बिजुली बाल्न १६ वर्ष कुर्नु पर्यो ।

आयोजनाको लापरवाहीले बुइपा–ओखलढुंगा खण्डमा पोल गाडिएको १५ वर्षसम्म तार टाँगिएको थिएन । चौतर्फी दवावपछि दुई वर्षदेखि आयोजनाको कामले गति लिएको थियो । उदयपुरको जलजलेदेखि खोटाङको बुइपासम्मको प्रशारण लाइनमा सुधार र बुइपा सब स्टेशन चार्जको काम सकिएपछि ओखलढुंगातर्फको कामले तीव्रता पाएको हो । 

ओखलढुंगा खण्डमा सदरमुकाम ओखलढुंगामा विद्युत वितरणका लागि सब स्टेशन समेत निर्माण गर्नु पर्ने भएकाले समयमा सब स्टेशनको काम नहुँदा आयोजना प्रभावित बनेको थियो ।  

सब स्टेशन बनेपछि प्रशारण लाइन स्टेशनमा जोडेर अन्यत्र विद्युत वितरण गरिएको छ । सिद्धिचरण नगरपालिका लगायतका अधिकांश आयोजना प्रशभावित क्षेत्रमा विद्युतीकरणको काम सुरु भएको छ । चिसंखुगढी र मोलुंग गाउँपालिकाका वडा स्तरमै विद्युत विस्तारका योजना बनाइएका छन् । 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook