Total Hits: 0

​टुहुरी बालिकाले ‘नरुनुस् न आमा, नरुनुस् न दादा’ भन्दा थामिएनन् कसैका आँसु

  • Posted: Wednesday, May 23, 2018 18:43 PM ( 4 years ago )

भक्तपुर, जेठ ९ – ‘नरुनुस् न आमा, नरुनुस न दादा ।’ स्कुल पोशाकमै रहेकी बालिकाले भक्तपुर अस्पतालको चौरमा रुँदै गरेका आफन्तको आँसु पुछिदिँदै गरेको देख्दा अस्पताल परिषरमा झुम्मिएकाहरुको आँखा रसाएका थिए ।

लोकन्थलीकै ओम ज्ञान मन्दिरमा कक्षा १० मा पढ्ने १५ वर्षकी अनुजा घिमिरेलाई बिहान खाना खुवाएर पठाएकी आमा र होस्टेलमा बसेर पढ्दै गरेको भाइको मृत्युले आहत भएकी उनी स्कुलबाटै अस्पताल आएर रुदै अरुलाई नरुन आग्रह गरेको देख्दा त्यहाँ नरुने कोही थिएन । 

काभ्रेको साँगाबाट बुधबार करिब १२ः३० बजे तिब्र गतिमा आएको बा ३ ख ६६७४ नम्बरको टिपरले अरनिको राजमार्गखण्ड अन्तर्गत सूर्यविनायक नगरपालिका ९ पलासेमा बा ५६ प १२२७ नम्बरको स्कुटरलाई ठक्कर दिँदा स्कुटरमा सवार तीन जनाको घट्नास्थलमै विभत्स तरिकाले ज्यान गएको थियो । 

घटनामा मध्यपुरथिमि नगरपालिका–१, लोकन्थली बस्ने ५० वर्षीय स्कुटर चालक हरिबहादुर कटुवाल, दोलखा मेलुङ्ग गाउँपालिका ६ घर भई गएको १६ वर्षदेखि लोकन्थलीमा पसल सञ्चालन गरेर बस्दै आएकी ३६ वर्षीया सविता घिमिरे र उहाँको १३ वर्षीय छोरा अरबिन घिमिरेको ज्यान गएको महानगरीय प्रहरी वृत्त जगातीका प्रहरी नायव उपरीक्षक दीपक श्रेष्ठले जानकारी दिनुभयो ।

शवलाई भक्तपुर अस्पतालमा पठाएको, ठक्कर दिने टिपरलाई प्रहरी बृत्त जगाते राखिएको र फरार रहेका चालकको खोजी भइरहेको उहाँले जानकारी दिनुभयो । 
साँगामा रहेको नेपाल प्रहरी आवासीय माध्यामिक विद्यालयमा कक्षा–८, मा पढ्ने छोरा बिरामी भएको खबर आएपछि छिमेकी हरिबाहदुरलाई लिएर स्कुल पुगेर छोरालाई उपचारको लागि अस्पताल लैजाँदै गर्दा टिपरले ठक्कर दिएर आमाछोरासहित हरिबहादुरको पनि ज्यान गयो । 

लोकन्थलीमै घर बनाउने सपना बोकेर दुई महिनाअघि मलेशिया गएका श्रीमान् केशब घिमिरेले एकैसाथ श्रीमती र छोरा गुमाए । बुधबार साँझ ५ बजे अमेरिका जान लागेका सविताको भाई कुमार काफ्लेको यात्रा पनि यही शोकले रोकिएको छ । 

हरिबहादुरको अवस्था पनि उस्तै छ । जेठी छोरी, एक छोरा र श्रीमती अष्ट्रेलियामै बस्छन्, कान्छी छोरी अमेरिकामा बस्छन् । नयाँ घर बनाउन अष्ट्रेलियाबाट फर्केका हरिबहादुको यही घटनामा जयान गएपछि उहाँको आमा र बुबाले अस्पतालमा आफ्नो आँसुलाई रोक्नै सकेनन् ।

‘खाना खाएर म छिट्टै फर्कन्छु है आमा' भनेर हिँडेको छोराको यो हालत भयो’ भन्दै आमा जानकी कटुवाल रुदा अस्पतालमा पुगेका कसैको आँसु थामिएन । 
अस्पतालमा भेला भएकाहरुले टिपर लगायत मालबाहक सवारी साधनलाई राति ९ बजेपछि बिहान ४ बजेसम्म मात्रै सञ्चालन गर्ने व्यवस्था गर्न सरकारसँग माग गरे । ज्यानै जाने गरी दुर्घटना गराउने चालकलाई ज्यान मुद्धा नै लगाउनु पर्ने उनीहरुले माग राखेका छन् । 

प्रहरी नायव उपरीक्षक श्रेष्ठले भने घटनाको प्रारम्भिक अनुसन्धानबाट टिपर चालकको चरम लापर्वाही देखिएकाले चालकलाई पक्राउ गरी ज्यान मुद्धा लगाएर कारवाही अगाडि बढाउने बताउनुभयो । 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook