Total Hits: 0

​तेन्जिङ–हिलारी म्याराथनमा २ सय धावक सहभागी हुने

  • Posted: Wednesday, May 16, 2018 18:15 PM ( 3 years ago )

काठमाडौं, जेठ २ – यो वर्षको तेन्जिङ–हिलारी एभरेष्ट म्याराथनमा २ सयभन्दा धेरै धावकको सहभागिता हुने भएको छ ।

१५ औं संस्करणमा ३० देशका २ सयभन्दा बढी धावक सहभागी हुने आयोजक हिमालय एक्सपिडिसन्सले जनाएको छ । काठमाडौंमा बुधबार भएको पत्रकार सम्मेलनमा म्याराथनका इभेन्ट म्यानेजर शिखर पाँडेले दिएको जानकारी अनुसार पूर्वमा जापानदेखि पश्चिममा पेरुसम्मका ३० देशका झन्डै १ सय ५० विदेशी धावक सहभागी हुने छन् । ५० जनाभन्दा धेरै नेपाली धावक पनि यो प्रतियोगितामा दौडिँदै छन् । 

मे २९ का दिन सगरमाथा आधार शिबिरबाट शुरु भइ नाम्चेबजारमा समापन हुने म्याराथनमा ओलम्पिक स्तरको ४२.१९५ किलोमिटरको फुल म्याराथन, ६० किलोमिटरको अल्ट्रा म्याराथन र २१ किलोमिटरको हाफ म्याराथन हुने छ । ओलम्पिक स्तरको फुल म्याराथनमा खुल्ला, महिला र विदेशी विधा हुनेछ । 

‘म्याराथन प्रत्येक वर्ष बिस्तार भैराखेको हामीले अनुभव गरेका छौं’, पाँडेले भन्नुभयो ‘१५ वर्षमा एभरेष्ट म्याराथन नेपालको मात्र नभई विश्वकै एक अग्रणी साहसिक खेलकुद गतिबिधिको रुपमा स्थापित भैसकेकोछ ।’

पत्रकार सम्मेलनमा दिईएको जानकारी अनुसार १ सय १९ विदेशी धावक फुल म्याराथनमा, ११ जना हाफ म्याराथनमा र ७ जना अल्ट्रा दौडमा सहभागी हुँदैछन । 
फुल म्याराथनको खुल्ला स्पर्धामा पहिलो हुनेले २ लाख रुपैयाँ, दोश्रो हुनले १ लाख रुपैयाँ र तेश्रो हुनेले ७५ हजार रुपैयाँ नगद पुरस्कार पाउने छन् ।

यस्तै महिला स्पर्धामा प्रथम, द्वितीय र तृतीय हुनेले क्रमशक, एक लाख, ७५ हजार र ५० हजार रुपैयाँ पुरस्कार पाउनेछन् । विदेशी स्पर्धामा उत्कृष्ट तीन खेलाडीले क्रमश ५० हजार, ३५ हजार र २५ हजार रुपैयाँ नगद पुरस्कार पाउने छन् ।

अल्ट्रा दौडका विजेताले क्रमश १ लाख, ७५ हजार र ५० हजार तथा हाफ म्याराथनका प्रथम, द्वितीय र तृतीय हुनेले क्रमश ५० हजार, ३५ हजार र २५ हजार रुपैयाँ नगद पुरस्कार प्राप्त गर्नेछन् ।

फुल म्याराथन र हाफ म्याराथन सगरमाथा आधार शिविरबाट शुरु भइ नाम्चेबजारमा समापन हुनेछ भने, हाफ म्याराथन दिङगबोचेबाट शुरु भइ नाम्चेबजारमा नै समापन हुनेछ ।

पत्रकार सम्मेलनमा एभरेष्ट म्याराथनका परिकल्पनाकार बिक्रम पाँडे काजीले २००३ मा अत्यन्त थोरै धावकहरु जम्मा पारेर शुरु गरिएको एभरेष्ट म्याराथन हाल विश्वकै एक उत्कृष्ट साहसिक खेलकुद गतिबिधिका रुपमा विकास हुनु मुलुकको सिंगो पर्यटन र खेलकुद क्षेत्रलाई सुखद समाचार भएको बताउनुभयो । 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook