Total Hits: 0

​चम्पादेवीको गाउँसभामा वाम गठबन्धन आउट !

  • Posted: Wednesday, May 16, 2018 17:42 PM ( 4 years ago )

ओखलढुंगा, जेठ २– ओखलढुंगाको चम्पादेवी गाउँपालिकामा वाम गठबन्धन पक्षधर सदस्यहरुलार्ई थाहै नदिई गाउँसभा सम्पन्न गरेको भन्दै विशेष बैठकको माग भएको छ ।

गाउँ कार्यपालिकाकाका चार जना सदस्यसहित गाउँसभाका २० जना सदस्यहरुले विशेष गाउँसभा बोलाउन माग गरेका छन् । 

नेपाली कांग्रेसको बहुमत रहेको यस गाउँपालिकाको वैशाख २९ गते भएको गाउँसभाको बैठकमा नेकपा एमाले र माओवादी केन्द्रको तर्फबाट निर्वाचित जनप्रतिनिधिहरु उपस्थित थिएनन् । एमाले र माओवादीबाट निर्वाचित जनप्रतिनिधिहरुलाई अघिल्लो दिन मात्रै सूचना दिएर अचानक सभा आयोजना गरेकाले सभामा सहभागी हुन नसकेको एमालेका जिल्ला अध्यक्ष नेत्र भट्टराईले बताउनुभयो । 

स्थानीय शासन सञ्चालन ऐन ०७४ को दफा १९ को उपदफा ४ मा सात दिन अगावै सूचना गर्नु पर्ने व्यवस्था भए पनि सूचनासमेत नदिई गाउँसभा सम्पन्न गरेकाले विशेष गाउँसभाको बैठक माग गरिएको कार्यपालिका सदस्य सुरेश थापाले जानकारी दिनुभयो । वाम गठबन्धनमा आवद्ध जनप्रतिनिधिहरु थापासहितका चार जना वडा अध्यक्ष र अन्य गाउँ सभाका सदस्यहरुले संयुक्त रुपमा विशेष बैठक डाक्न माग गरेर लिखित निवेदन दर्ता गरेका छन् । 

ऐनको दफा १९ को उपदफा ३ मा विशेष गाउँसभा बोलाउनेसम्बन्धी व्यवस्था छ । ऐन अनुसार गाउँसभाका एक तिहाई सदस्यहरुले गाउँसभा बोलाउनु पर्ने कारण खोलेर माग गरेमा बैठक बोलाउनु पर्ने व्यवस्था छ । 

गाउँसभाका सदस्यहरुलाई जानकारी नदिई गाउँसभा गरेको विषयमा प्रमुख प्रशासकीय अधिकृत भीमप्रसाद दाहालले आफूले अध्यक्षको आदेश अनुसार काम गरेको बताउनुभयो । उहाँले दुई दिनअघि भएको बैठकमा सबै सदस्यहरुलाई गाउँसभा हुने जानकारी गराइएको बताउँदै अध्यक्षको निर्णय अनुसार गाउँसभा पुनः बोलाउने वा नबोलाउने टुंगो लाग्ने पनि बताउनुभयो ।  

ऐनमा व्यवस्था भए अनुसार गाउँ सभाको सूचना सदस्यहरुलाई नदिइएको, गाउँपालिकाले गरेका काम कारवाहीबारे सार्वजनिक सुनुवाई नगरेको, सार्वजनिक खरिद ऐन विपरीत खरिद कार्य गरेको र गाउँपालिकाविरुद्ध अख्तियारमा परेका उजुरीका सम्बन्धमा सदस्यहरुलाई जानकारी नगराइएकाले विशेष गाउँसभा बोलाउनु परेको निवेदनमा उल्लेख छ । 

बुधबार कार्यपालिकामा २३७ दर्ता नम्बर रहेका निवेदन प्रमुख प्रशासकीय अधिकृतले दर्ता गरेका छन् । 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook