प्रभासले दाेस्रो पटक पनि लत्याए करण जोहरको अफर

• Posted: Wednesday, May 16, 2018 16:13 PM ( 4 years ago )

जेठ २ – ‘बाहुबली’ अभिनेता प्रभाससँग बलिउडका स्थापित फिल्म निर्माता करण जोहरको फिल्ममा काम गर्नका लागि समय छैन ।

प्रभासले निर्माता करण जोहरलाई हाल आफूसँग फिल्ममा काम गर्नको लागि समय नभएको र तपाईँसँग काम गर्नका लागि पछि कुनै समयमा सोचाैँला भन्दै करणको अफरलाई अस्वीकार गरेका छन । 

प्रभासले करणको अफरलाई यसरी नकारेको यो पहिलो पटक भने होइन । यसअघि पनि प्रभासले करणको फिल्ममा काम गर्नका लागि नकारेका थिए । ‘बाहुबली’ र ‘बाहुबली २’ जस्ता सुपरहिट भएका फिल्मका अभिनेता यस समयका निकै महंगा अभिनेतामध्येका एक हुन् । प्रभासले करणको फिल्ममा काम गर्नका लागि धेरै ठूलो रकमको माग गरेका थिए । प्रभासले मागेको रकम दिनका लागि करणले नमानेपछि प्रभासले उनको अफरलाई नकारेका थिए । 

करण जोहरले प्रभासलाई बलिउडमा डेब्यू गराउने कुराको लामो समयदेखि चर्चा थियो । करण चाहन्थे प्रभासले आफ्नो फिल्ममार्फत बलिउड फिल्म उद्योगमा प्रवेश गरुन् । तर प्रभासले करणले सोचेको भन्दा ठूलो रकमको माग गरेपछि करणले प्रभाससँग काम गर्ने सोच नै परिवर्तन गरेका थिए । 

अहिले फेरि करणले प्रभासलाई फिल्मका लागि अफर गरे पनि प्रभासले आफूसँग तपाईँको फिल्मका लागि समय छैन भन्दै टारिदिएका छन । यसबाट प्रभासले सावित गरिदिएका छन् कि उनी फिल्म र फिल्म निर्माताको अघि पछि लाग्दै हिँड्नेहरु मध्येका होइनन् ।  

प्रभास हाल फिल्म ‘साहो’ को छायाँकंनमा व्यस्त छन् । यस फिल्मको छायाँकंन अबुधाबीमा भइरहेको छ । यस फिल्ममार्फत बलिउड अभिनेत्री श्रद्धा कपूर तेलुगू फिल्ममा डेब्यू गर्दैछिन् । प्रभास र श्रद्धा अभिनित फिल्म ‘साहो’ तेलुगू र हिन्दी भाषमा रिलिज हुनेछ ।