Total Hits: 2.9 K

कालिमाटी तरकारी बजार कब्जा गर्नेलाई हटाउँदै सिण्डिकेट तोडिन्छ : मन्त्री खनाल

  • Posted: Tuesday, May 15, 2018 18:36 PM ( 2 years ago )

काठमाडौं, जेठ १ – कृषि, भूमि व्यवस्था तथा सहकारी मन्त्री चक्रपाणि खनाल ‘बलदेव’ ले तरकारीमा रहेको सिण्डिकेट समाप्त पार्ने बताउनुभएको छ ।  

मंगलबार रिपोर्टर्स क्लब नेपालले आयोजना गरेको साक्षात्कारमा बोल्दै उहाँले दलालहरुले कृषकको बारिबाटै सुरु गर्ने तरकारीको सिण्डिकेट तोडेरै छाड्ने बताउनुभएको हो ।  

तरकारीमा देखिएको सिण्डिकेट अन्त्य गर्न कृषि खेती नगरी काठमाडौंको कालिमाटी तरकारी बजार कब्जामा लिनेलाई हटाइने बताउनुभयो । अबदेखि जसले तरकारी उत्पादन गर्छ उसैलाई कालिमाटी तरकारी बजारमा बिक्रिका लागि स्टल उपलब्ध गराउने योजना मन्त्रालयले ल्याउन लागेको पनि मन्त्री खनालले जानकारी दिनुभयो । 

खेतबाट सिधै बिक्रि केन्द्रसम्म किसानले उत्पादन गरेको तरकारी ल्याउन सरकारले सहुलियत अनुदानमा कृषकलाई गाडी उपलब्ध गराउँछ । उहाँले भन्नुभयो, ‘केही समय लाग्ला तर तरकारीको सिण्डिकेट तोड्नैपर्छ ।’ 

कृषकलाई ध्यानमा राखेर ‘किसान पेन्सन’ लगायत केही नयाँ कार्यक्रमहरु ल्याउन लागेको पनि उहाँले खुलासा गर्नुभयो । उहाँले भन्नुभयो, ‘किसान पेन्सन दिनुपर्छ, अनुदान पनि दिनुपर्छ, सिधै किसानको खातामा पैसा जानेगरि पेन्सन पठाउने व्यवस्था हुन्छ ।’ 

मन्त्री खनालले भारतसँग नेपालको राम्रो सम्बन्ध रहेको बताउँदै कृषिमा सहकार्य हुने बताउनुभयो । उहाँले भन्नुभयो, ‘भारतमा जस्तो कृषि क्षेत्रमा भएको विकास, किसानलाई दिने अनुदान, व्यवस्थापनको स्तर अहिलेसम्म नेपालमा नरहेको भन्दै आफ्नो कार्यकालमा त्यसलाई व्यवस्थित गर्दै लैजाने प्रतिबद्धता व्यक्त गर्नुभयो ।

कृषि क्षेत्रको व्यवसायीकरण, वैज्ञानिकिकरणका लागि इजरायली मोडलको विकास गरिने भन्दै उहाँले निकट भविष्यमा इजरायलसँग सहमति गरेर अघि बढ्ने बताउनुभयो । नेपालमा ६६ प्रतिशत नागरिक कृषिमा आधारित रहे पनि कृषि क्षेत्रको आधुनिकिकरण हुन नसक्दा उनीहरुको अवस्था अझै दयनीय अवस्था नै रहेको भन्दै त्यसका लागि सरकारले विशेष योजना ल्याउने बताउनुभयो ।  

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook