Total Hits: 0

​मोदीको स्वागतले राजतन्त्रको झल्काे दिएकाे भन्दै सरकारप्रति सांसदहरुको आक्रोश

  • Posted: Monday, May 14, 2018 16:06 PM ( 4 years ago )

काठमाडौं, वैशाख ३१ – प्रतिनिधिसभाका सांसदहरुले प्रदेश २ का मुख्यमन्त्री लालबाबु राउतले दिएको सार्वजनिक अभिव्यक्तिप्रति आपत्ति जनाएका छन । 

भारतीय प्रधानमन्त्री नरेन्द्र मोदीको जनकपुरमा गरिएको नागरिक अभिनन्दनका क्रममा मुख्यमन्त्री राउतले दिएको अभिव्यक्तिप्रति सांसदहरुले आपत्ति जनाएका हुन् । 

प्रमुख प्रतिपक्ष दल नेपाली कांग्रेसका नेता डा. मिनेन्द्र रिजालले सरकारलाई समर्थन दिएको दल नेतृत्वको प्रदेश २ को सरकारले छिमेकी देशसँग संविधानविरुद्ध बोलेको भन्दै त्यस सम्बन्धमा स्पष्ट धारणा राख्न प्रधानमन्त्री केपी शर्मा ओलीको गम्भीर ध्यानाकर्षण गराउनु भयो । सोमबार प्रतिनिधिसभाको बैठकमा विशेष समय लिएर बोल्दै उहाँले मोदी भ्रमणमा भारतले नाकाबन्दी लगाएको भन्न पाउने नागरिकको अधिकार हनन् गरिएको भन्दै सरकारप्रति आक्रोश व्यक्त गर्नुभयो ।

नेता रिजालले मोदीको नेपाल भ्रमणमा तय गरिएका कार्यक्रम राजतन्त्रलाई झल्को दिने खालको भएको आरोप पनि लगाउनुभयो । नेकपा माओवादी केन्द्रकी प्रवक्ता एवम् सांसद पम्फा भुसालले भारतीय प्रधानमन्त्री मोदीको नेपाल भ्रमणका क्रममा ३ सय भन्दा बढी भारतीय सुरक्षाकर्मी परिचालन गरिएकोमा असन्तुष्टि व्यक्त गर्नु भयो । उहाँले भारतीय प्रधानमन्त्री मोदीको नेपाल भ्रमणको कार्यतालिका बनाउने मामलामा हाम्रो परराष्ट्र मन्त्रालय कमजोर देखिएको भन्दै सरकारको आलोचना गर्नुभयो । 

नेपाल मजदुर किसान पार्टीका सांसद प्रेम सुवालले भारतीय सांसदले खुलेआम ‘जनकपुर आफ्नो देशको हुनुपर्छ’ भनेर मुलुकको सार्वभौमिकतामाथि आँच आउने अभिव्यक्ति दिएको भन्दै त्यस विषयमा सरकारको धारणा माग गर्नुभयो । उहाँले सरकार भारतसँग मागेर विकास गर्ने योजनामा लागेको भन्दै आपत्ति जनाउनुभयो ।
सांसद सुवालले भारतको पछि नलागी मुलुकलाई आत्मनिर्भर बनाउने बाटोमा अघि बढ्नुपर्ने भन्दै सरकारको ध्यानाकर्षण गराउनुभयो ।

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook