​आफ्नै प्रशंसा समेटिएको गीत आएपछि यसरी नाचे धमला (भिडियो)

• Posted: Monday, May 14, 2018 15:49 PM ( 5 years ago )

काठमाडौं, वैशाख ३१ – पत्रकार ऋषि धमलाको विषयमा एउटा लोकगीत तयार भएको छ ।

बबरमहलमा रहेको प्रिज्म रेकर्डिङ स्टुडियोमा गीत मिक्सिङको क्रममा शनिबार ऋषि धमला पनि स्टुडियोमा पुगेका थिए । यस क्रममा धमलाले आफ्नो बारेमा तयार पारिएको गीत सुनिसकेपछि आफ्नो काम र चर्चाको मूल्यांकन गरेर तयार पारिएको गीत र कामलाई सम्मान गर्ने बताए । 

उनले गीतका गायक–गायिका र लेखकलाई  धन्यवादसमेत दिएका छन् । गीतलाई सञ्चारकर्मी तथा रचनाकार सन्तोष देउजाले लेखेका हुन् भने लय पनि उनैले भरेका छन् । चर्चित पत्रकार भएका कारण सन्तोषले ऋषिको बारेमा गीत तयार पारेको बताए । गीतमा राधिका हमाल र प्रदीप त्रिपाठीको आवाज रहेको छ ।

लेखक सन्तोष देउजाले गीतमा ऋषि धमलाको बारेमा राम्रा नराम्रा सबै कुराहरु समेटिएको बताए । गीतमा ऋषिका कमी–कमजोरीलाई नराम्रो पनि भनिएको छ भने राम्रो बानीलाई प्रशंसा गरिएको छ । नेपालमा ऋषि धमलाजस्तो पत्रकार अरु नभएका कारण आफूलाई ऋषिको विषयमा गीत लेख्न मन लागेको सन्तोषले बताए ।

यस गीतको म्युजिक भिडियोमा धमला नै हुनेछन् भने मोडलमा उनकी श्रीमती तथा अभिनेत्री एलिजा गौतम हुने सम्भावना बलियो छ । गीतमा एलिजाको बारेमा पनि केही कुराहरु छन् । त्यस कारण गीतमा ऋषिको अपोजिट एलिजा हुने सम्भावना धेरै नै छ । तर यतिबेला ऋषिको अपोजिट कसलाई राख्ने भन्ने विषयमा छलफल भइरहेको छ ।