Total Hits: 0

सन्दीपको डेब्यू खेलमा दिल्लीले जित्न सकेन

  • Posted: Sunday, May 13, 2018 07:32 AM ( 3 years ago )

वैशाख ३० – नेपाली युवा बलर सन्दीप लामिछानेले शनिबार आईपीएलीमा डेब्यू गरे । प्लेअफमा पुग्ने सम्भावना सकिएको दिल्लीले दुई जना युवा खेलाडीलाई पहिलो पटक आईपीएल टिममा समावेश गर्दा दुवैले उत्कृष्ट प्रदर्शन गरे । बलिङ तर्फ १७ वर्षीय सन्दीप लामिछानेले किफायती बलिङ गरे भने ब्याटिङतर्फ डेब्यू गरेका भारतको यू–१९ टिमका अविषेक शर्माले पनि आक्रामक ब्याटिङ गरे । तर दिल्ली बेंग्लोरसँग ५ विकेटले पराजित भयो ।

बेंग्लोरविरुद्ध १८१ रनको योगफल रक्षा गर्ने क्रममा ओपनिङ बलिङ गरेका सन्दीपले चार ओभर बलिङ गर्दै ६.२५ को औसतमा २५ रन खर्चिएर १ विकेट पनि लिए । यो खेलमा सन्दीप सबैभन्दा किफायती बलर समेत बने । सन्दीपले आफ्नो दोस्रो ओभरमा पार्थीव पटेललाई एलबीडब्ल्युको धरापमा पारे ।

पहिलो ओभरमा सन्दीपले तीन वटा डट बल फाल्दै ६ रन दिएका थिए । टिमको तेस्रो र आफ्नो दोस्रो ओभरमा सन्दीपले चौथो बलमा पार्थीव पटेललाई एलबीडब्ल्युको धरापमा पारे । उनले दोस्रो ओभरमा ५ रनमात्र दिए ।

बलिङतर्फ ट्रेन्ट बोल्टले २ विकेट लिए भने हर्सल पटेल र अमित मिश्राले पनि १–१ विकेट लिए ।

१८२ रनको बैंग्लोरले १९ ओभरमा ५ विकेट गुमाएर पूरा गर्‍यो । बेंग्लोरका लागि कप्तान विराट कोहली र एबी डि भिलियर्सले उत्कृष्ट ब्याटिङ गरे । डि भिलियर्सले ३७ बलमा ६ छक्का र चार चौका प्रहार गर्दै ७२ रन बनाए भने कोहलीले ४० बलमा ४ चौका र ६ छक्का प्रहार गर्दै ७० रन जोडे ।

टस हारेर ब्याटिङको निम्तो पाएको दिल्लीले २० ओभरमा ४ विकेट गुमाउँदै १८१ रन बनाएको थियो । १६ रन हुँदा दुई विकेट गुमाएको दिल्लीका लागि रिसव पन्त र कप्तान श्रेयस ऐरले ९७ रनको बलियो साझेदारी गरे । पन्तले ३४ बलमा ६१ रन बनाए भने ऐयरले ब्यक्तिगत ३२ रन जोडे ।

दिल्लीबाट आईपीएल डेब्यू गरेका अर्का खेलाडी अविषेक शर्माले १९ बलमा ४६ रनको उत्कृष्ट इनिङ खेले । बलिङतर्फ युज्वेन्दर चाहलले २ विकेट लिए । जितसँगै बेंग्लोरले प्लेअफमा पुग्ने सम्भावना जिवितै राखेको छ । बेंग्लाेरले ११ खेलबाट ८ अंक जोडेको छ । दिल्लीको प्लेअफ पुग्ने सम्भावना सकिसकेको छ ।

 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook