भारतीय प्रधानमन्त्रीको यो भ्रमणले नेपाल–भारत सम्बन्ध नयाँ उचाइमा पुर्‍याउनेछ : रक्षामन्त्री

• Posted: Friday, May 11, 2018 12:53 PM ( 5 years ago )

धनुषा, वैशाख २८ – रक्षामन्त्री इश्वर पोखरेलले दुईदिने राजकीय भ्रमणमा रहनुभएका भारतीय प्रधानमन्त्री नरेन्द्र मोदीलाई नेपाल सरकारको तर्फबाट स्वागत गर्नुभएको छ । 

जनकपुरको बाह्रबिघामा भारतीय प्रधानमन्त्री मोदीलाई गरिएको अभिनन्दन कार्यक्रममा भारत–नेपालको रहेको ऐतिहासिक सम्बन्धलाई निरन्तरता दिइने बताउनुभयो । 

रक्षामन्त्री पोखरेलले दवै देशको सभ्यताको सुरुवात सँगसँगै भएको भन्दै ऐतिहासिक पवित्र भूमि जनकपुरधामले दुई देशबीचको सम्बन्धलाई सदृढ बनाउने बताउनुभयो । 

जनकपुर गार्गी, वैदेहीजस्ता विद्वानहरुको भूमि भएको बताउँदै भारतीय प्रधानमन्त्री नरेन्द्र मोदीलाई वजनकपुरमा स्वागत गर्न पाउँदा दुई देशबीचको सम्बन्धलाई  अझ उचाइमा पुर्याउने रक्षामन्त्री पोखरेलले बताउनुभयो । 

पोखरेलले आफूले सन् २०१४ मा भएको भारतीय प्रधानमन्त्री मोदीले गरेको नेपाल भ्रमण र उहाँले व्यक्त गरेका अभिव्यक्तिहरु ऐतिहासिक भएको बताउनुभयो ।