Total Hits: 0

आज भारतीय प्रधानमन्त्री मोदी जनकपुर आउँदै, प्रदेश २ मा सार्वजनिक विदा

  • Posted: Friday, May 11, 2018 06:46 AM ( 4 years ago )

शैलेन्द्र महतो/उज्यालो । 

धनुषा, वैशाख २८ – भारतीय प्रधानमन्त्री नरेन्द्र मोदी भ्रमणका लागि आज जनकपुर आउँदै हुनुहुन्छ ।   दुई दिने नेपाल भ्रमणका लागि मोदी भारतीय सेनाको हेलिकप्टरबाट बिहान सवा १० बजे जनकपुर आउने कार्यक्रम छ ।

जनकपुरमा उहाँले जानकी मन्दिरमा विशेष पूजा गर्नुहुनेछ । त्यसपछि ऐतिहासिक रंगभूमि मैदान बाह्रविघामा उहाँको अभिनन्दन एवं सम्बोधनको कार्यक्रम रहेको छ । विमानस्थलमा रक्षामन्त्री ईश्वर पोखरेल र प्रदेश नम्बर २ का मुख्यमन्त्री लालबाबु राउतलगायत प्रदेशका मन्त्रीहरुले मोदीको स्वागत गर्नेछन् । मोदीले जानकी मन्दिरको पूजा गर्ने बेला एक सय एक साधुले एकैपटक शंखनाद गर्नेछन् । मोदीले झण्डै ४५ मिनेट जानकी मन्दिरमा बिताउनुहुनेछ । 

जनकपुरमा नै मोदीलाई प्रधानमन्त्री केपी शर्मा ओलीले स्वागत गर्ने र दुवै प्रधानमन्त्रीको भेटवार्ता गर्ने कार्यक्रम छ । त्यसैक्रममा दुवै प्रधानमन्त्रीले रामायण सर्किटको संयुक्त रुपमा उद्घाटन गर्नुहुनेछ । रामायणकालीन स्थल जोड्ने रामायण सर्किटको जनकपुरबाट अयोध्या चल्ने बससेवालाई हरियो झण्डा देखाएर दुवै समकक्षीले उदघाटन गर्नुहुने छ ।

मोदीलाई स्वागत गर्न प्रधानमन्त्री ओली नेपाली सेनाको हेलिकप्टरबाट जनकपुर चुरोट कारखानामा ओर्लेर मोदीलाई स्वागत गर्नु हुनेछ । बाह्रविघा मैदानमा आयोजना गरिएको ‘नागरिक अभिनन्दन’ समारोहमा मोदीलाई जनकपुर उपमहानगरपलिकाका मेयर लालकिशोर साहले अभिनन्दन गर्नु हुनेछ । नेपाली भाषामा तयार अभिनन्दन पत्र मेयर साहले मैथिली भाषामा पढेर मैथिली भाषामा अभिनन्दन गर्ने जनकपुर उपमहानगरपालिकाको तयारी छ । स्वागत एवं अभिनन्दन समारोहमा मोदीलाई १ सय २१ किलोको फुलको माला पनि पहिराएर स्वागत गर्ने योजना छ ।

नागरिक अभिनन्दन पश्चात मोदीले समारोहलाई सम्बोधन गर्नु हुनेछ । त्यसपछि उहाँ काठमाडौं जानुहनेछ ।  मोदीलाई भव्य स्वागत तथा अभिनन्दन गर्न जनकपुर उपमहानगरपालिकाले जानकी मन्दिरदेखि बाह्रविघा मैदान र जनकपुर विमानस्थलसम्मको बाटोलाई सजाएको छ । प्रदेश नम्बर २ सरकारले मोदीको आगमनलाई उत्सवको रुपमा मनाउन सार्वजनिक विदा दिएको छ ।

प्रदेश नम्बर २ को ८ जिल्लाबाट मोदीको नागरिक अभिनन्दन कार्यक्रममा एकलाख भन्दा बढी सर्वसाधारण सहभागि राउने प्रदेश सरकारको योजना रहेको छ । अभिनन्दन कार्यक्रममा सहभागि हुन बाह्रविघामैदानको उत्तरी गेटबाट सर्वसाधारणलाई सहभागि हुने व्यवस्था मिलाएको छ भने बाह्रविघाको पश्चिम गेटबाट सञ्चारकर्मी र बाह्रविघाको दक्षिण गेटबाट विशेष व्यक्तिहरुले प्रवेश गर्न पाउने छन् ।

मोदी आगमनलाई लिएर जनकपुरको सुरक्षा व्यवस्था कडा पारिएको छ । नेपाली सेना, नेपाल प्रहरी र सशस्त्र प्रहरी गरी साढे ६ हजार सुरक्षाकर्मी परिचालन गरिएको प्रदेश सरकारका गृहमन्त्री ज्ञानेन्द्र यादवले जानकारी दिनुभयो ।

 

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook