​सिण्डिकेटधारीकाे बैंक खाता रोक्का

• Posted: Sunday, May 06, 2018 20:03 PM ( 4 years ago )

काठमाडौं, वैशाख २३ – नेपाल राष्ट्र बैंकले सिन्डिकेटको पक्षमा रहेका यातायात समितिको बैंक खाता रोक्का गरेको छ ।

सिन्डिकेटको पक्षमा उभिने विभिन्न समितिको बैंक खाता रोक्का गरिएको राष्ट्र बैंकका प्रवक्ता नारायणप्रसाद पौडेलले उज्यालोलाई जानकारी दिनुभयो । 

सरकारको सिफारिस अनुसार विभिन्न बैकमा रहेका समितिका खाता रोक्का गरिएको र सरकारले फुकुवा गर्न निर्देशन नदिएसम्म खाता फुकुवा नहुने उहाँले बताउनुभयो ।

खाता रोक्का भएका समितिको संख्या एकिन गरेर भन्न भोली मात्र सक्ने जानकारी दिंदै उहाँले यस्ता समितिको संख्या धेरै रहेको बताउनुभयो । सरकारले गएको शुक्रबार सिन्डिकेट पक्षधर यातायात समितिको बैंक खाता रोक्ने निर्णय गरेपछि यातायात व्यवस्था विभागले खाता रोक्का गर्न राष्ट्र बैंकलाई सिफारिस गरेको थियो ।