पत्रकार महासंघ प्रदेश २ मा संयुक्त प्यानल विजयी

• Posted: Sunday, May 06, 2018 10:24 AM ( 4 years ago )

शैलेन्द्र महतो/उज्यालाे । 

धनुषा, वैशाख २३ – नेपाल पत्रकार महासंघ प्रदेश नं. २ मा प्रेस युनियन, प्रेस चौतारी र प्रेस सेन्टरको संयुक्त प्यानल विजय भएको छ । शनिबार भएको निर्वाचनमा प्रदेश २ मा संयुक्त प्यानलबाट अध्यक्षमा दिपेन्द्र चौहान ३ सय ४४ मत ल्याएर विजयी हुनुभएको छ भने उहाँको निकटतम प्रतिद्वन्द्वी संयुक्त समावेशी मधेशी पत्रकार गठबन्धनका विरेन्द्र रमणले २ सय ४७ मत प्राप्त गरेर पराजित हुनुभयो ।

त्यस्तै उपाध्यक्ष पदमा संयुक्त प्यानलका केसी लामिछाने, महिला उपाध्यक्षमा रिंकुकुमारी मिश्र, महासचिवमा किरणकुमार कर्ण, खुल्ला सचिवमा गुरुप्रसाद गौतम, समावेशी सचिवमा रामानारायण विश्वास र कोषाध्यक्षमा प्रविन साह विजयी भएका हुन् ।  

यस्तै खुल्ला सदस्यहरुमा भोजराज भट्टराई, धिरेन्द्र राई , राजन सिंह, शैलेन्द्र झा, अजित सिंह विजयी भएका छन् । आदिवासी जनजाती सदस्यमा जितलाल श्रेष्ठ र जगत राई वियी भएका छन् भने समावेशी मधेशी सदस्यमा अजयकुमार साह र बैद्यनाथ चौधरी विजयी भएका हुन् ।