​श्रीमानको कुटाईबाट घाइते भएकी उपमेयरले मिलापत्र गरिन्

• Posted: Wednesday, May 02, 2018 20:31 PM ( 4 years ago )

ललितपुर, वैशाख १९ –श्रीमानको कुटाईबाट घाइते भएकी ललितपुरको गोदावरी नगरपालिकाकी उपमेयर मुना अधिकारीले श्रीमानसँग मिलापत्र गर्नुभएको छ । 

अधिकारीले उजुरी गरेपछि महानगरीय प्रहरी वृत्त सातदोबाटोबाट खटिएको प्रहरी टोलीले मंगलबार राति उहाँका श्रीमान ध्रुव कुँवरलाई पक्रेको थियो । कुटपिटबाट उपमेयर अधिकारीको आँखाका साथै शरीरका विभिन्न भागमा निलडाम बनेका छन् । 

बुधबार दिउँसो महानगरीय प्रहरी परिसर ललितपुरको महिला तथा बालबालिका सेलमा दुवै पक्षबीच भएको छलफलमा कुँवरले माफी मागेपछि मिलापत्र गर्दै अधिकारीले श्रीमानलाई छुटाएर लगेको प्रहरीले जनाएको छ ।