​चिडियाखाना पसेका पर्यटकले मयूरको प्वाख नै तानिदिएपछि...

• Posted: Monday, Apr 30, 2018 17:20 PM ( 3 years ago )

वैशाख १७ – चीनको एक चिडियाखानामा आउने पर्यटकहरुले मयूरको प्वाख चुडाएर लगेपछि त्यहाँको प्रशासनले मयूर हेर्ने २ जना थप स्टाफ थप्ने भएको छ ।

चीनको योङहोउको लियाङ चिडियाखानामा हिँडिरहेको मयूरलाई लखेटेर पर्यटकले प्वाख निकालेपछि मयूरको पुच्छर ठुट्टो भएको छ । यो घटना भने पटक पटक हुने गरेको साउथ चाइना मर्निङ पोष्टले उल्लेख गरेको छ ।

प्वाख नभएको त्यस मयूरको पुच्छरबाट रगत बगिरहेको जनाइएको छ । समाजिक सञ्जालमा मयूरको लामो पुच्छरका सबै प्वाखहरु चुटाइएको देखाइएको छ ।
चिडियाखानामै त्यस्तो घटना भएपछि चिडियाखानाको प्रशासनले पर्यटकलाई मयूरको नजिक जान निषेध गरेको छ ।

प्रशासनले पर्यटकहरुलाई चिडियाखानामा मयूर नजिक नजान चेतावनीमूलक आवाज पनि बजाउने भएको छ । चिडियाखान प्रशासनले त्यस घटना प्रहरीमा दर्ता गर्ने जनाएको छ ।