​दाङमा आविष्कार केन्द्र खोल्ने इच्छा छ : महावीर पुन

• Posted: Sunday, Apr 29, 2018 19:07 PM ( 5 years ago )

दाङ, वैशाख – १६ – म्यागसेसे पुरस्कार विजेता महावीर पुनले दाङको तुलसीपुरमा आविष्कार केन्द्र खोल्ने बताउनुभएको छ ।

तुलसीपुर उप–महानगरपालिकाले प्रविधिको विकासका लागि देखाएको चासोलाई सम्मान गरेर आविष्कार केन्द्र खोल्नका लागि आफू इच्छुक रहेको उहाँले बताउनुभयो । प्रविधिको विकास बिना कुनै पनि ठाउँको विकास हुन नसक्ने भन्दै पुनले तुलसीपुरको विकासका लागि पनि प्रविधिको विकास महत्वपूर्ण रहेको बताउनुभयो । 

‘अहिले सामान्य तबरले केन्द्रको स्थापना गर्ने र त्यसलाई क्रमशः विस्तार गर्दै लैजान सकिन्छ’, तुलसीपुर उप–महानगरपालिकाले आयोजना गरेको कार्यक्रममा बोल्दै पुनले भन्नुभयो, ‘राष्ट्रिय आविष्कार केन्द्रले शिक्षा, स्वास्थ्य र कृषिका लागि मोबाइल एप्लिकेशन समेत बनाएर काम गरिरहेको छ । मैलै नागरिकसँग सहयोग लिइरहेकाले मेरो आविस्कार व्यवसायिक हुँदैन ।’

उहाँले आफूले नागरिकको सेवाकै लागि काम गर्ने बताउनुभयो । सरकारले सहयोग गरे विज्ञान र प्रविधिको क्षेत्रमा थुप्रै काम उहाँको भनाई छ ।