​‘लिलिबिली’ पाइरेसीको मारमा, आयो फेसबुकमा

• Posted: Wednesday, Apr 18, 2018 18:10 PM ( 4 years ago )

काठमाडौं, वैशाख ५ – मिलन चाम्सको निर्देशन रहेको सिनेमा ‘लिलिबिली’ पाइरेसीको मारमा परेको छ ।

सिनेमा हलबाट मोबाइलमा खिचेर सामाजिक सञ्जाल फेसबुकमा सिनेमा अपलोड गरिएको निर्देशक चाम्सले जानकारी दिएका छन् । सुरुमा ५ र १० मिनेटका छोटा–छोटा सिनेमाका अंशहरु अपलोड गरिएको भएता पनि पछि पूरै सिनेमा अपलोड गरिएको थियो । 

सिनेमा सामाजिक सञ्जालमा आएपछि तत्काल त्यो भिडियो हटाइएको भएता पनि पाइरेसी गर्ने विरुद्ध कडा कानुनी कारवाही गरिने निर्देशक चाम्सले बताएका छन् । अहिले भिडियो अपलोड गर्ने इमेल एकाउन्ट पत्ता लगाए पनि व्यक्तिको नाम भने खुलाइएको छैन । फेसबुकमा भिडियो नेपालबाटै हालिएको निर्देशकले बताएका छन् ।

चैत्र ३० गते देखि प्रदर्शनमा आएको यस सिनेमामा प्रदीप खड्का, जसिता गुरुङ, प्रियंका कार्की, सविन श्रेष्ठ, अनुपविक्रम शाहीलगायतका कलाकारको मुख्य भूमिका रहेको छ । यो सिनेमाको अधिकांश छायाकंन स्कटल्याण्डमा गरिएको हो । सिनेमाले सुरुवात देखि नै सुखद कारोवार गरिरहेको छ ।

–उज्यालाे र गफगाफ डट कमकाे सहकार्य