Total Hits: 0

​प्रम ओली आफ्नै रचनामा रमाउँदा ...

  • Posted: Wednesday, Feb 28, 2018 16:39 PM ( 4 years ago )

काठमाडौं, फागुन १६ – ‘म मेरो देश बनाउँछु, अझै उन्नत, सुन्दर ।’ यी राष्ट्रिय भावले ओतप्रेत गीतको धुन र संगीत एकसाथ गुञ्जिरह्यो । 

ती गीतका पंक्तिहरु संगीतका धुनमा गुञ्जिएसँगै खुला चौरमा रातो, नीलो र पहेलो टि सर्ट र नीलो ट्रयाकसुटमा युवा/युवतीले आफ्नो कला प्रदर्शन शुरु गरेँ । ती जीवन्त गीतका स्रष्टा एवं प्रधानमन्त्री केपी शर्मा ओली मन्द मुस्कानले युवा युवतीका नाचको कलालाई साथ दिइरहनुभयो । राष्ट्रिय सेवा दलको १३ औँ वरिष्ठ समूहको अन्तिम दीक्षान्त कवाज कार्यक्रमका सहभागीले आज ललितपुरमा यो गीत गुञ्जिरहँदा नाचकलाको जोसिलो प्रदर्शन गरेका थिए । उसो त ओलीले पहिलो पटक प्रधानमन्त्रीको कार्यभार सम्हाल्दा राष्ट्रिय सेवा दलको कार्यक्रममा सहभागी हुँदा सो गीतको रचना गरी दललाई दिनुभएको थियो । 

विसं २०२२ मा स्थापना भएको दलले १३ औँ दीक्षान्तमा प्रधानमन्त्री एवं गीतकार ओलीका गीतलाई संगीतमा रुपान्तरण गर्दा तालीमका सहभागीले आकर्षक कला प्रदर्शन गरेका थिए । प्रधानमन्त्री ओलीले कार्यक्रमलाई सम्बोधन गर्दै देशको आर्थिक समृद्धि र विकासमा सबै क्षेत्रबाट उठ्न आह्वान गर्नुभयो । उहाँले भन्नुभयो, ‘मेरो नेतृत्वको वर्तमान सरकारको प्रमुख लक्ष्य आर्थिक समृद्धि गरी देश विकास गर्नु हो, सरकारले सदाचारको विधि अपनाउँछ ।’ 

सबै युवालाई शिक्षित बनाई देश विकासको मूल प्रवाहमा समाहित गराउन सरकारले काम गर्ने चर्चा गर्दै प्रधानमन्त्री ओलीले युवाको योगदानबाट मात्र आर्थिक समृद्धि हासिल गर्न सकिने बताउनुभयाे । 

राष्ट्रिय एकता र भावनाले ओतप्रेत भई उच्च मनोबलका साथ आफ्ना उद्देश्य र सपना पूरा गर्न तालिमका सहभागीलाई आह्वान गर्दै प्रधानमन्त्री ओलीले युवालाई हारेर होइन, जितेर काम गर्न आग्रह गर्नुभयो ।  

‘विश्वको सर्वोच्च शिखर सगरमाथा, गौतमबुद्धको जन्मस्थल, लालीगुँरास फुल्ने स्वाभिमानी मेरो देशलाई अझ उँचो बनाउन सबै लाग्नुपर्छ, उकाली ओराली अप्ठ्यारोसित नतर्सिदै प्रतिकूलतालाई अनुकूलतामा परिवर्तन गरेर अगाडि बढ्नु पर्छ’, उहाँले भन्नुभयो । 

यस अवसरमा प्रधानमन्त्री ओलीले तालिमका सर्वोत्कृष्ट हुने सहभागीलाई पुरस्कार तथा प्रशंसा पत्र प्रदान गर्नुभएको थियो । कार्यक्रममा रक्षामन्त्री तथा राष्ट्रिय सेवा दलका सहसंयोजक ईश्वर पोखरेलले युवा देशका भविष्य भएकाले उनीहरुको ज्ञान र सीपलाई विकासमा समाहित गराउन सरकारले जोड दिने बताउनुभयो । 
युवा सशक्तीकरण सरकारको प्राथमिकतामा पर्ने चर्चा गर्दै उहाँले अगामी दिनमा सेवादलका कार्यक्रमलाई विस्तार गर्न सहयोग गर्ने जानकारी दिनुभयो । 

राष्ट्रिय सेवा दलका महानिर्देशक उपरथी रवीन्द्र क्षत्रीले ‘स्मार्ट युथ’ का लक्ष्यका साथ सेवादलले अगामी दिनमा ७७ जिल्लाका सात हजार ७०० युवालाई तालिम दिने जानकारी दिँदै तालिमबाट सिकेका ज्ञानले युवाका सशक्तीकरण गर्न सहयोग मिलेको बताउनुभयो । 

१३ आैँ दीक्षान्तमा ७६ जिल्लाका युवाका सहभागिता रहेको थियो । यस वर्ष सेवा दलले छ हजार युवालाई तालीम दिने लक्ष्य लिएको छ । तालीमलाई प्रभावकारी बनाउन उसले सेवा दल ऐन २०२७ लाई संशोधन एवं नियमावली समेत तयार गर्ने जनाएको छ । सेवा दलमा आवश्यक जनशक्ति अभावसमेत रहेको बताइएको छ । 

यस अवसरमा प्रधानमन्त्री ओलीले राष्ट्रिय सेवा दल विगत र वर्तमान नामक पुस्तकको सार्वजानिक पनि गर्नुभयो । यस अवसरमा तालिमका सहभागीले नाच तथा आकर्षक कला प्रदर्शनसमेत गरेका थिए । –रासस

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook