Total Hits: 9.7 K

मलेसियामा महाथिर नेतृत्वको सरकार : नेपाली कामदारलाई फाइदा

कुमुद खनाल

जुन हिसावले बंगालादेशी कामदारलाई मलेसियाका एजेन्सीले भर्ती गर्ने गरेको छन्, नयाँ सरकार त्यसको विरुद्धमा जान्छ ।  नवनिर्वाचित प्रधानमन्त्री महाथिर मोहम्मदको विगत हेर्ने हो भने यसो भन्न सकिन्छ ।

अनवर इब्राहिमलाई २ वर्षपछि  प्रधानमन्त्री बनाउने सम्भावना धेरै छ । उनी जेलमुक्त पनि भइसकेका छन् । बंगलादेशी कामदार भर्ती गर्ने विपक्षमा अनवर पनि छन् । बंगलादेशी कामदारले मलेसियाको सामाजिक संरचनामा खलल पारेका उनीहरुले ठहर गरेका छन् । 

साथसाथै बायोमेट्रिक पनि खारेज हुने सम्भावना छ । निवर्तमान प्रधानमन्त्री नाजिव रजाककी श्रीमती यसमा संलग्न भएको पुष्टि भइसकेको छ । फरेन वर्कस सेन्ट्रलाइज म्यानेजमेन्ट सिस्टमबाट नाजिवकी श्रीमतीको गोजीमा पैसा जान्थ्यो । अब त्यो रहन्न । तर त्यसका लागि नेपाल सरकारले तारन्तार ताकेता चाहिँ गर्नुपर्ने हुन्छ । 

मलेसियाको विदेश नीतिमा तत्कालै फरक भने आउँदैन । किनभने महाथिर पनि यसअघि सत्तामा रहेको पार्टीका उत्पादन हुन् । अनवर पनि त्यही पार्टीका उत्पादन हुन् । त्यही भएकाले नीतिगत परिवर्तन आउँदैन । विदेशी कामदारलाई उपयोग गर्ने नीतिमा भने फरक पर्न सक्छ । ५० प्रतिशत विदेशी कामदार र ५० प्रतिशत स्थानीय कामदार रहने नीति लागु हुनसक्ने सम्भावना धेरै छ । 

अहिले नयाँ सरकार आइसकेपछि नेपाली कामदार पनि सुरक्षित हुन्छन् । मलेहरुले नेपाली रुचाउँछन् । तर यसमा नेपाल सरकारले मलेसियासँग गर्ने सम्झौता, नेपाली कामदारले स्थानीयसित गर्ने व्यवहारले पनि फरक चाहिँ पर्न सक्छ । महाथिरले चाहिँ दक्षिण एसियाका कामदारमध्ये नेपालीलाई नै सिफारिस गर्छन । 

वर्तमान प्रधानमन्त्री महाथिर २/३ वर्षअघि नेपाल पनि आएका थिए । त्यसबेला होटल हायातमा देश विकास कसरी गर्नुपर्छ भन्ने विषयमा उद्योगी व्यवसायीसँग छलफल भएको थियो । त्यसबेला सरकारले गल्ती भने गरेको छ । महाथिरलाई अस्वीकार जस्तै गरेको छ ।

हाथिरको जुन खुवी थियो, त्यो किसिमको उनलाई सम्मान दिइएन । अवश्य त्यसबेला नेपाली दूतावासले पनि गल्ती गरेको थियो । सरकारलाई महाथिरको व्यक्तित्वबारेमा दूतावासले जानकारी गराउन नसकेकै हो । 

(नेपाल वैदेशिक रोजगार व्यवसायी संघका निवर्तमान प्रथम उपाध्यक्ष तथा मलेसिया मात्रै कामदार पठाउने व्यवसायी खनालसित रीतु थेबेले गरेको कुराकानीमा आधारित । मलेसियामा भर्खरै सम्पन्न चुनावपछि महाथिर मोहम्मदको प्रधानमन्त्रीत्वमा नयाँ सरकार गठन भएको छ ।) 

  • आफ्नो कथा, तस्बिर र भिडियोहरु पठाउनुहोस्

    तपाईं कामका सिलसिलामा नेपाल बाहिर हुनुहुन्छ वा विदेशमा काम गरी फर्किनु भएको हो भने तपाईंको परदेश बसाईको अनुभव पठाउन आग्रह गर्दछौं । तपाईंले आफ्नो तस्बिर सहित पठाउनु भएका सामग्री हामी यहाँ राख्छौं । यसैगरी तपाईंले खिचेका सुन्दर र रोचक तस्बिरहरु तथा भिडियो पनि [email protected] मा इमेल गर्नुहोला । तस्बिर तथा भिडियो पठाउँदा आफ्नो नाम, हाल तपाईं बस्नुभएको ठाउँ, नेपालको ठेगाना र तस्बिर वा भिडियो कहिले, कहाँ खिच्नु भएको हो भन्ने जानकारी सहित पठाउनु होला । 

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More