Total Hits: 2.7 K

परदेशीका आमाले बुहारीलाई ‘पख न’ भन्ने होइन माया गर्नुपर्छ

सुनमाया तामाङ/रामेछाप

म अहिले  ५० वर्षको भएँ । मेरो श्रीमान र श्रीमान पनि तीन छोरा अनि तीन छोरी छोरी छन् । एक छोरा र एक छोरी विदेशबाट भर्खरै आएका छन् । उनीहरु धेरै विदेशमै छन् ।

व्यवहार आफूले धाने पनि मनमा ढुक्क चाहिँ हुँदैन । मेरो छोरो बाहिर छ । बुहारी काठमाडौंमा बस्छिन् । उनलाई अहिलेसम्म मैले ठूलो स्वरमा गाली गरेको छैन । उनलाई नानी छोराले पठाएको पैसा सही ठाउँमा खर्च गर ।

जोगाउनु पनि पर्छ भनेर सम्झाउँछु । के के कुरामा खर्च गर्छौ त्यसको लेखाजोखा राख भन्छु । अनि मलाई पनि अलिकति पैसा तिम्रै हातले पठाइदेउ है भन्छु । त्यति भयो भने उनीहरुका बुढाबुढीको झगडा हुँदैन नी ।

अनि मैले पनि कहाँ कहाँ खर्च गरें भने लेखेर राख्छु । त्यति भएपछि मलाई पनि त पछि अप्जस आउँदैन नी । अहिले पनि मेरो सासु ससुरा हुनुहुन्छ । मलाई सासुले नराम्रो गर्नुभयो भन्न खोजेको होइन । तर पनि बुहारीहरुलाई व्यवहारिक कुरा भन्ने अनि यस बारेमा सल्लाह गर्ने चलन थिएन । 

तर म स्वयमसेविका भएकाले देखेर धेरै कुरा सिकें । म गाउँ गाउँमा पुग्दा विदेश गएकाका परिवारहरुमा पनि पुग्थें । धेरै परिवारमा सासु बुहारीको सम्बन्ध राम्रो नभएको देख्थें । अनि यस्तो त गर्नु हुने रहेनछ भन्ने कुरा बुझ्थें । 

फेरि स्वयम सेविका भएपछि यसलाई धेरै कुरा थाहा हुन्छ भनेर साध्छन् । उनीहरुलाई म यस्तै कुरा सिकाउँछु पनि । आफू सकारात्मक भएपछि आफूलाई पनि त्यस्तै व्यवहार हुँदो रहेछ भन्ने उदाहरण म नै हुँ ।

किनकी मैले अहिलेसम्म बुहारीलाई नराम्रो भनेको छैन अनि बुहारीले पनि त्यस्तो केही भनेका छैनन् । उनीहरुले मलाई चाडबाडमा पैसा पठाइदिन्छन् । त्यो पैसा पनि कहाँ खर्च गरें भनेर मैले त हिसाब राख्ने गरेको छु । 

मान्छेको मन न हो । कहिले काहिँ त चित्त बुझ्दैन नी । तर त्यसो भन्दैमा गाली गर्नु हुँदैन । उनीहरुलाई राम्रो बोलीले सम्झाउनुपर्छ । गाली गर्यो भने त बाटै बन्द भइहाल्छ नी । 

कुन कुरामा चित्त बुझेको छैन । त्यो कुरा प्रष्टसँग भन्नुपर्छ । मनमा रिस लिएर बस्नु हुँदैन । त्यसैले परदेशीका आमाहरुले बुहारीसँग त्यसै अनुसारको व्यवहार गर्नुहुँदैन । 

(मोहन पौडेलसँगको कुराकानीबाट) 

  • आफ्नो कथा, तस्बिर र भिडियोहरु पठाउनुहोस्

    तपाईं कामका सिलसिलामा नेपाल बाहिर हुनुहुन्छ वा विदेशमा काम गरी फर्किनु भएको हो भने तपाईंको परदेश बसाईको अनुभव पठाउन आग्रह गर्दछौं । तपाईंले आफ्नो तस्बिर सहित पठाउनु भएका सामग्री हामी यहाँ राख्छौं । यसैगरी तपाईंले खिचेका सुन्दर र रोचक तस्बिरहरु तथा भिडियो पनि [email protected] मा इमेल गर्नुहोला । तस्बिर तथा भिडियो पठाउँदा आफ्नो नाम, हाल तपाईं बस्नुभएको ठाउँ, नेपालको ठेगाना र तस्बिर वा भिडियो कहिले, कहाँ खिच्नु भएको हो भन्ने जानकारी सहित पठाउनु होला । 

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More