Total Hits: 2.0 K

बजेट कार्यान्वयन भए युवालाई विदेश पलायन हुनबाट रोक्छ – उद्योगी व्यवसायी

  • Posted: Wednesday, May 30, 2018 15:45 PM ( 2 years ago )

रमेश गिरी/उज्यालो ।

भक्तपुर, जेठ १६ – भक्तपुरका उद्योगी, व्यवसायीले सरकारले ल्याएको आर्थिक वर्ष २०७५/७६ को बजेट कार्यान्वयन भए यसले युवालाई विदेश पलायन हुनबाट रोक्ने बताएका छन् । 

उद्योगी, व्यवसायीले यो बजेट युवामुखी र आशालाग्दो भएको भन्दै कार्यान्वयन गर्न सके युवा देशमै रोजगार हुने बताएका हुन् । उद्योग वाणिज्य महासंघका पूर्व द्वितीय उपाध्यक्ष केपी ताम्राकारले सरकारले ल्याएको बजेट समग्रमा राम्रो भएको बताउनुभयो ।

उहाँले बजेट तथा कार्यक्रमलाई सरकारले कार्यान्वयनमा ल्याउन सके युवाहरु विदेशन जान रोकिने र विदेशका नेपाली पनि फर्केर देश मै व्यवसाय सञ्चालन गर्न सक्ने बताउनुभयो । उहाँले भन्नुभयो ‘सरकारले युवालाई स्वदेश मै व्यवसाय गर्नसक्ने अबस्थाको सिर्जना गरेको छ, बजेट कार्यान्वयन भए, उद्योग, व्यवसायले राम्रै फड्को मार्न सक्छ, यसले युवालाई विदेश पलायन हुनबाट रोक्छ ।’

विदेशबाट देश फर्कने नेपालीलाई व्यवसाय सञ्चालनका लागि १० लाख रुपैयाँसम्म ऋण दिने गरी सरकारले ल्याएको बजेटले युवाहरु विदेशबाट फर्केर नेपालमा व्यवसाय सञ्चालन गर्न उत्साहित हुने उहाँको भनाई थियो । 

यस्तै शैक्षिक प्रमाणपत्र धितो राखेर ७ लाख रुपैयाँसम्म अनुदानमा ऋण उपलब्ध गराउने सरकारको बजेट कार्यक्रमले जिल्ला जिल्लामा युवाहरुलाई उद्यमी बनाउन सक्ने ताम्राकारले बताउनुभयो । 

भक्तपुरको पर्यटन विकासमा पनि यसले टेवा पुर्याउने बताउँदै उहाँले साना, ठूला सबै व्यवसायीलाई बजेटले आशा लाग्दो रुपमा सम्बोधन गरेको उहाँको भनाई छ । ठूला सवारी साधनलाई सवारी कर बढाउनुलाई सकारात्मक भन्दै उहाँले यसले अनावश्यक सवारी साधनको खरिदलाई समेत रोक्ने बताउनुभयो । 

यस्तै भक्तपुर उद्योग वाणिज्य संघका निवर्तमान अध्यक्ष केपी अवालले पनि व्यवसायीको हितमा बजेट आएको प्रतिक्रिया दिनुभयो । उहाँले सरकारले भ्याट फिर्ता खारेज गर्नु राम्रो भएको बताउँदै कम आय हुनेलाई कम कर र बढी आय हुनेलाई कर बढी लगाउनु सकारात्मक भएको बताउनुभयो । तर करको सहि सदुपयोग भने हुनुपर्ने र कर तिर्नेले त्यही अनुरुप सुविधा पाउनु पर्ने व्यवस्था गर्नुपर्ने उहाँको भनाई छ । 

दूध डेरी, कपडा पसल, मासु पसल लगायत घरेलु उद्योग तथा व्यवसायलाई सरकारले प्रोत्साहन दिनु राम्रो भएको प्रतिक्रिया दिदै उहाँले देश भूकम्पपछिको पुर्ननिर्माणको चरणमा देश रहेकाले निर्माण सामग्रीलाई सहज र सरल बनाउन सरकारको ध्यान नपुगेको बताउनुभयो । 

उद्योग वाणिज्य संघ भक्तपुरका प्रथम उपाध्यक्ष प्रदिप श्रेष्ठले समग्रमा बजेट उद्योग एवं व्यावसाय सञ्चालन गर्न उत्साह दिने गरी आएको बताउनुभयो । संघका पूर्व अध्यक्ष युवक राजभण्डारीले बजेटको पूर्ण रुपमा अध्ययन गर्न नपाए पनि समग्रमा बुझ्दा बजेट राम्रो र सकारात्मक भएको बताउनुभयो । 

 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More