Total Hits: 3.6 K

मलेसिया पुगेको चार दिनमै हराए रामबहादुर, खोजिदिन श्रीमतीको आग्रह

  • Posted: Wednesday, May 30, 2018 14:10 PM ( 2 years ago )

बिजय भुसाल/नुवाकोट । 

जेठ १६ – पिँढीमा वसेर रामवहादुर तामाङले श्रीमती प्रियामायालाई भन्नुभएको थियो ‘बुढी  २ पटक ७ वर्षसम्म विदेश बसेर पनि हाम्रो अवस्था सुध्रिएन अब फेरि एक पल्ट विदेश गएर आउनुपर्यो ।’

प्रियामायाले सम्झाउँदै नेपालमै केही व्यवसाय गर्नुपर्छ, पहिला गएर घर बनाएको, छोराछोरी पनि राम्रै पढाएका छौं भन्नुभयो । तर रामबहादुरले मान्नुभएन । उहाँले श्रीमतीलाई आफ्ना कुरामा सहमत गराउनुभयो अनि विदेश जाने प्रक्रिया थाल्नुभयो । 

नुवाकोट तारेकेश्वर– ५ का रामबहादुर तामाङ कुवेतमा ४ वर्ष र मलेसियामा ३ वर्ष बसेर घर फर्किनुभएको थियो । तर फेरि पनि विदेश जाने निधो गरेका उहाँ मलेसिया जाने हुनुभयो । 

उहाँले काठमाडौंको चावहिलमा रहेको नेगी नेगी इन्टरनेशनलबाट प्रक्रिया थाल्नुभयो । राम्रो कम्पनी र राम्रो तलब भएको भन्दै म्यानपावरका श्याम तामाङले सेक्युरिटीको काममा एक हजार ५० रिंगिट तलबका लागि ८० हजार रुपैयाँ लिएर मलेसिया उडाइदिए । 

गएको वैशाखको २८ गते मलेसियाको उडेका रामबहादुरको त्यसको भोलिपल्ट फोन गरेर कम्पनी र काम राम्रै रहेछ भन्नुभयो । त्यसले प्रियामाया ढुक्क हुनुभयो । 

तर जेठ  १ गते राती १२ बजे रामबहादुरको फोन आयो । ‘आवाज हड्बडाएको जस्तो सुनिन्थ्यो’ प्रियामाया भन्नुहुन्छ । बोली पहिलाको जस्तो नभएपछि उहाँले श्रीमानलाई के भयो भनेर सोध्नुभयो तर रामबहादुले केही भन्नुभएन । प्रियामायाले सँगै भएको साथीले पो भन्दिन्छन् कि भनेर उसलाई फोन दिन भन्नुभयो तर भाषा बुझ्दिनौ भन्दै रामबहादुरले बोल्न दिनुभएन । त्यसको केहीबेरमै फोन काटियो ।

श्रीमानको अवस्था ठिक छैन भन्ने लागेपछि प्रियामायाले धेरै पल्ट यतैबाट फोन गर्नुभयो तर लागेन । त्यसपछि उहाँसँग सम्पर्क भएको छैन । केहीदिनसम्म पनि फोन नलागेपछि प्रियामायाले म्यानपावरलाई बुझ्न लगाउनुभयो ।

म्यानपावरले तत्कालै बुझेर खबर गर्‍यो । म्यानपावरले रामबहादुरको बस्ने ठाउँमा नरहेको र कोठामा सामान मात्रै भेटिएको खबर सुनाएपछि प्रियामाया झनै आत्तिनुभएको छ । कम्पनीले रामबहादुरलाई खोजिरहेको बताएको थियो म्यानपावरले । 

तर अहिले त म्यानपावरले पनि कुनै खबर दिएको छैन । ‘फोन नै उठाउँदैन अनि उठायो भने पनि केही भन्दैन’ रामबहादुरकी साली सीतामायाले भन्नुभयो ।  

लेखपढ गर्न नजान्ने भएकाले प्रियामाया काठमाडौं जान सक्नुभएको छैन । उहाँकी बहिनी र गाउँका दाई पर्ने व्यक्तिले सुरक्षित आप्रवासन परियोजनाले सञ्चालन गरेको सूचना केन्द्रसँगै म्यानपावर र सम्बन्धित निकायमा रामवहादुरलाई खोजिदिन आग्रह गर्नुभएको छ । 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More