Total Hits: 3.6 K

​नेपाली कामदारको कानूनी प्रतिरक्षाका लागि मलेसियामा वकिल नियुक्त

  • Posted: Tuesday, May 29, 2018 13:55 PM ( 2 years ago )

काठमाडौं, जेठ १५ – मलेसियामा रहेको नेपाली दूतावासले कामदारको कानूनी प्रतिरक्षाका लागि वकिल नियुक्त गरेको छ । 

गएको जेठ ११ गतेदेखि ‘ल चेम्बरस् अफ खरेन जित एण्ड यसोसियट्स’सँग दूतावासले १ वर्षको सम्झौता गरेको विज्ञप्ती मार्फत जानकारी गराएको छ । दूतावाससँग भएको सम्झौता अनुसार अध्यागमन तथा सामान्य प्रकारका मुद्दाहरुमा ल फर्मले निःशुल्क सेवा दिनेछ ।   

तर अदालतको दण्ड, जरिवाना, धरौटी तथा अन्य शुल्क सेवाग्राहीले नै व्यहोर्नु पर्ने दूतावासले उल्लेख गरेको छ । मृत्युदण्ड, लामो समय तथा आजिवन जेल सजाय हुनसक्ने, गम्भिर प्रकृतिका मुद्दाको हकमा भने प्रचलित नियम अनुसार खर्च सेवाग्रहीले नै तिर्नुपर्ने र त्यसको जानकारी दूतावासमा गराउने पर्नेछ  ।

तर खर्च व्यहोर्न नसक्ने अवस्थाका कामदारको हकमा भने कसुरको प्रकृति हेरी उपलब्ध बजेट अनुसार दूतावासले पनि वकिल खर्च व्यर्होन सक्नेछ ।

जेल परेका, डिटेन्समा परेका, मलेसियाको अध्यागमन लगायत कानुन उल्लंघनको आरोपमा मुद्दा खेपिरहेका, प्रतिरक्षा तथा कुनै कानूनी परामर्श चाहिएमा निवेदन दिन पनि दूतावासले आग्रह गरेको छ । 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More