Total Hits: 2.3 K

स्थानीयस्तरमा पाइने रोजगारीबारे जानकारी गराउन सके नयाँ पुस्ता विदेश जान नहौसिने

  • Posted: Tuesday, May 29, 2018 13:43 PM ( 2 years ago )

सागर बिक्रम बस्नेत/रामेछाप । 

जेठ १५ – मन्थली नगरपालिकाको माध्यमिक विद्यालयका सामाजिक विषय पढाउने शिक्षकको सहभागितामा सुरक्षित वैदेशिक रोजगारी सम्बन्धी अन्तरक्रिया सम्पन्न भएको छ । 

अभिभावकविहीन हुँदा विद्यार्थी विद्यालयमा हाजिर मात्र गर्न पुग्ने भएकाले सुधारका लागि व्यावसायिक शिक्षाको खाँचो रहेको शिक्षकहरुले औंल्याएका थिए । उनीहरुले स्थानीयस्तरमा रोजगारीका विकल्पको पर्याप्त जानकारी गराउन सके नयाँ पुस्ता रोजगारीका लागि विदेश जान नहौसिने बताएका छन् । 

कक्षा ८ को पेशा व्यवसाय र १० को सामाजिक किताबको पाठसँग सम्बन्धित रहेर नयाँ सूचनाको जानकारी गराउन कार्यक्रम गरिएको हो । पैसा कमाउन विदेश जानेको पिडा र भोगाईका बारेमा कार्यक्रममा छलफल भएको थियो । सहभागी शिक्षकले अभिभावक वैदेशिक रोजगारीमा जाँदा विद्यालय उमेर समुहका बालबालिकामा उत्पन्न भएका समस्या र अभिभावकको अनुपस्थितिमा सिकाईमा पर्न सक्ने असरका बारेमा धारणा राखेका थिए । 

अभिभावकविहीन हुँदा विद्यार्थी विद्यालयमा हाजिर मात्र गर्न पुग्ने भएकाले सुधारका लागि व्यावसायिक शिक्षाको खाँचो रहेको शिक्षकहरुले औंल्याएका थिए । उनीहरुले स्थानीयस्तरमा रोजगारीका विकल्पको पर्याप्त जानकारी गराउन सके नयाँ पुस्ता रोजगारीका लागि विदेश जान नहौसिने बताएका छन् । 

जिल्ला शिक्षा अधिकारी दिनानाथ गौतमले वैदेशिक रोजगारीका कारण गाउँमा रहेका सामुदायिक विद्यालयमा विद्यार्थीको संख्या घट्दै गएको र सदरमुकामका विद्यालय तथा बोर्डिङ्गमा चाप बढेको बताउनुभयो । वैदेशिक रोजगारीका सवाल र तथ्यहरु कक्षा कोठासम्म पुग्ने माध्यम हुने भएकाले यस्ता कार्यक्रम आयोजना भइरहनु पर्ने धारणा गौतमले राख्नुभयो । 

वैदेशिक रोजगारीको अवसर, चुनौति र यसका कारण समाजमा परेको प्रभावबारे सुरक्षित आप्रवासन सामी परियोजनाका जिल्ला परियोजना संयोजक भोजराज सुनुवारले जानकारी गराउनु भएको थियो । सामी परियोजनाको साझेदार संस्थाले सञ्चालन गरेका कार्यक्रम र उपलब्धिबारे कार्यक्रममा जानकारी गराइएको थियो । 

जिल्लामा सञ्चालित सामी परियोजना अन्तर्गत सामुदायिक जनशक्ति विकास कार्यक्रम गोल्माटारले सञ्चालन गरेको विद्यालय तथा आमसञ्चार कार्यक्रमले वर्षमा एकपटक यस्तो कार्यक्रम सञ्चालन गर्दै आइरहेको छ । कार्यक्रमको निरन्तरता स्वरुप शहिद स्मृति माविको हलमा आयोजित कार्यक्रममा मन्थली नगरपालिका अन्तर्गत शिक्षा कार्यालयका श्रोत शिक्षक चन्द्रा खड्का, केदारप्रसाद ढुङ्गेल लगायत १४ वटा सामुदायिक विद्यालयका शिक्षक/शिक्षिका सहभागी भएका थिए । 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More