Total Hits: 4.3 K

घरमै बसेर काठको कामबाट मासिक १६ हजार

  • Posted: Monday, May 28, 2018 10:47 AM ( 2 years ago )

पुरुषोत्तम गिरी/उज्यालो ।  

सल्यान, जेठ १४ – पैसा कमाउन वैदेशिक रोजगारीमा जाने युवाको संख्या धेरै छ । स्वदेशमा पनि आम्दानीको स्रोतको पहिचान गर्न सक्ने हो भने राम्रो आम्दानी गर्न सकिन्छ । यस्तै उदाहरण बन्नुभएको छ, सल्यानको दार्मा गाउँपालिका २ फरुलाचौरका १९ वर्षीय कृष्णबहादुर वली । 

घरको आर्थिक अवस्था कमजोर भए पनि उहाँलाई भने विदेश जाने मोहले कति पनि छोएन । आर्थिक अवस्था कमजोर भएकै कारण उहाँले उच्च शिक्षा अध्ययन गर्न सक्नुभएन । तर सिल्पकार सम्बन्धी सीप सिकेपछि पैसा कमाउन विदेशी भूमिमा भौँतारिनु परेन ।

अहिले उहाँले दार्मा गाउँपालिकामा रहेको फर्निचर उद्योगमा काम गर्न थाल्नुभएको छ । काम गरेवापत उहाँले मासिक १६ हजार पारिश्रमिक पाउने गरेको बताउनुभयो । 

घरमा पैसाको जति आवश्यक परेपनि घर छोडेर बाहिर जाने सोच कहिल्यै पनि नआएको उहाँको भनाई छ । ‘आप्mनै गाँउघरमा आप्mन्त र साथीहरुको माझमा बसेर काम गर्नुको आनन्द नै छुट्टै हुन्छ’ उहाँले भन्नुभयो, ‘नचिनेको विदेशी भूमिमा त काम मात्रै गर्ने हो न कसैले चिन्छ न त हाल खबर नै सोध्छ । त्यस्ता ठाउँमा किन जानु । बरु थोरै पैसा भएपनि स्वदेशमा नै राम्रो ।’ 

सेभ द चिल्ड्रेनसँगको साझेदारीमा दलित विकास समाज सल्यानले सञ्चालन गरेको तीन महिने तालिम सिकेपछि सिप विकास केन्द्रबाट समेत सीप परीक्षा पास गरेर उहाँले काम सुरु गर्नुभएको हो । उहाँले विदेशमा गएर पसिना बगाएर पुरै जिन्दगीको गुजारा नहुने बताउनुभयो । 

बरु सीप सिकेर आप्mनै गाँठाँउमा केही गर्न सके त्यसले जीवन धान्न सहज हुने उहाँको भनाई छ । अवसरको खोजी गर्ने हो भने यहाँ धेरै सम्भावना हरु छन् पहिचान गर्न सक्नु पर्छ भन्दै उहाँले यदि कुनै पनि सिप सिकेको छ भने त्यो व्यक्ती बेरोजगार बस्न नपर्ने बताउनुभयो । 

आफूले दिन रात मेहनत गरेर काम गर्ने र कमाएको पैसाबाट आगामी दिनमा  आफ्नै फर्निचर उद्योग खोल्ने उहाँको योजना छ । ‘अहिले काम पाएको छु घरबाट नै आउने जाने गर्ने भएकाले खर्चपनि खासै लाग्दैन पैसा बचाई रहेको छु’ उहाँले भन्नुभयो,’ ‘पैसा बचाउन सकें भने कुनैदिन आफ्नै फर्निचर उद्योग खोल्ने छु । र आफूजस्तै आर्थिक अवस्था कमजोर भएका युवालाई  गाउँमै काम दिने सोच बनाएको छु ।’ 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More