बहराइन

बहराइन अर्थ ‘दुई समुन्द्र’ हो । बहराइन साउदी अरबको तटबन्ध फारसी खाडीमा रहेको एक द्वीपसमूह हो । त्यहाँ संवैधानिक राजतन्त्र छ र राजधानी मानामा हो । मुख्य रुपमा अरवी भाषा बोलिन्छ । अंग्रेजी पनि धेरै बोलिने भाषामा पर्छ । बहराइनको मुद्रालाई बहराइनी दिनार (बिएचडी) भनिन्छ । एक बिएचडी बरावर झण्डै २ सय ८० रुपैयाँ हुन्छ । यो विनिमय दर अमेरिकी डलरको भाउको उतारचढावसँगै तलमाथि हुने गर्छ । 

बहराइनमा इस्लाम धर्म मान्नेहरुको बाहुल्यता छ । गर्मी याममा धेरै गर्मी हुने बहराइनमा जाडो याममा खासै जाडो हुँदैन । बहराइनमा ३५ हजार भन्दा धेरै नेपाली कामदार छन् । खाडीका अरु मुलुक जस्तै बहराइनमा पनि घरेलु कामदार श्रम कानुनको दायरामा पर्दैनन् । उनीहरुलाई कफला कानुन अन्तर्गत व्यवहार गरिने भएकाले कामदारको स्वतन्त्रता रोजगारदाताको निर्णयमा हुन्छ । कामका लागि रोजगारदातामा नै आश्रित हुनु पर्ने भएकाले स्पोन्सर प्रति कामदार वफादार हुनुपर्छ । काम गरेको एक बर्ष पछि मात्रै कामदारले रोजगारदाता बदल्न पाउँछन । तर त्यसका लागि तीन महिना अघि नै सूचित गराउनु पर्छ । त्यो अवधिमा रोजगारदाताले कामदारलाई अयोग्य घोषित गरेर स्वदेश फिर्ता गर्ने सम्भावना पनि हुन्छ ।

निर्माण मजदुर, घरेलु कामदार, ड्राइभर, होटल मजदुरका रुपमा काम गर्न नेपाली कामदार बहराइन पुग्छन । बहराइनमा नेपालको दूतावास राजधानी मानामामा छ । कुनै समस्या परेमा नेपाली दूतावासमा सम्पर्क गरे सल्लाह र सहयोग पाइन्छ ।

Embassy of Nepal
P.O.Box 75933
Villa 2397, Road 2437, Area 324
Juffair, Manama, Kingdom of Bahrain.
Tel: +973 17725583
Fax: +973 17720787
Email:
[email protected]

बहराइनमा सामाजिक विकास मन्त्रालय अन्तर्गत माइग्रेन्ट वर्कस प्रोटेक्सन सोसाइटी स्थापना भएको छ । यो संस्थाले अन्तर्राष्ट्रिय मान्यता अनुरुप आप्रवासी कामदारहरुको न्युनतम मानव अधिकार हासिल गर्न मद्दत गर्दछ । सहायताको लागि तल दिएको ठेगाना वा फोन नम्वरमा सम्पर्क गर्न सकिन्छ । त्यहाँ नेपाली स्वयंसेवकहरु नभए पनी सबैजनाले अंग्रजीमा वार्तालाप गर्छन । यदि तपाईंले बहराइनबाट नै सम्पर्क गर्दै हुनुहुन्छ भने अगाडीको +973 थीच्नु पर्दैन ।

Migrant Workers Protection Society

Address 
MWPS Office P O Box 5561 Kingdom of Bahrain
Flat 2, Building 647, Road 3625, Adliya Area 336.

Call Office +973 17827895

Marietta Dias - Chairperson - +973 3945 2470 (English, Hindi, Tamil, Malialam)

Helen de Oliveira Carvalho - General Secretary +973 33737721 (English, Portuguese, Italian, Spanish)

Evonne Bhaskaran - Head of Action Committee +973 39843609 - (English, Tamil, Sinhalese)

Ali Zainudin - Assistant Action Committee member +973 36909646 (English, Swahili) 

Hamda Asiz - Active Volunteer Member +973 3434 9021 (English, Arabic) 

Fax +973 17827895

Email [email protected]

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More