दशरथ रंगशाला निर्माणका लागि १० करोड बजेट विनियोजन
- Posted: Thursday, May 31, 2018 14:29 PM ( 2 years ago )
काठमाडौं, जेठ १७ – सरकारले दशरथ रंगशालाको मर्मत/सम्हार तथा स्तरोन्नतिका लागि १० करोड बजेट विनियोजन गरेको छ ।
युवा तथा खेलकुद मन्त्री जगत विश्वकर्माले दशरथ रंगशालासहित विभिन्न कभर्ड हलहरुको मर्मत संहार तथा स्तरोन्नतिका लागि सरकारले आगामी आर्थिक वर्षको बजेटमा १० करोड बजेट विनियोजन गरिएको जानकारी दिनु भएको हो । उहाँले खेलाडीहरुको सेवा र सुविधाका लागि सरकारले दुर्घटना बीमा, स्वास्थ्य बीमा र जीवन बीमाको लागि पनि आवश्यक बजेटको व्यवस्था गरिएको स्पष्ट पार्नुभयो ।
मन्त्रालयले गत चैत्र २३ गते सार्वजनिक गरेको कार्ययोजनाको कार्य प्रगति विवरण सार्वजनिक गर्न विहिबार आयोजित पत्रकार सम्मेलनमा उहाँले अन्तर्राष्ट्रिय स्तरको क्रिकेट मैदान निर्माणको काम र सबै प्रदेशमा प्रादेशिक रंगशाला निर्माणको कामलाई पनि अघि बढाइएको बताउनुभयो ।
मन्त्री विश्वकर्माले संघीय ढाँचा अनुकूल हुने गरी राष्ट्रिय खेलकुद नीतिको मस्यौदा तयार पारिएको पनि बताउनुभयो । युवा तथा खेलकुद मन्त्रालयले १२ बर्से खेलकुद गुरुयोजना पनि तयार पारेको छ । मन्त्री विश्वकर्माले बजेट निर्माणको काममा केन्द्रित हुनु परेकाले राष्ट्रिय खेलकुद नीतिको मस्यौदालाई अन्तिम रुप दिन नसकिएको पनि स्पष्ट पार्नुभयो ।
मन्त्री विश्वकर्माले युथ भिजन, २०२५ को कार्यान्वयन कार्ययोजना पनि तय गरिएको बताउनुभयो । त्यसैगरी मन्त्रालयले राष्ट्रपति महिला उद्यम कार्यक्रम सञ्चालन कार्यविधि निर्माण गरेको, उपराष्ट्रपति युवा पुनस्र्थापना कार्यक्रम सञ्चालन कार्यविधि स्विकृत गरिएको पनि उल्लेख गरेको छ ।
मन्त्री विश्वकर्माले १३ औं दक्षिण एशीयाली खेलकुद प्रतियोगिताको तयारीको कामलाई पनि तीब्रता दिइएको बताउनु भयो ।
प्रतिक्रिया दिनुहोस
ब्लग उज्यालोअँध्यारोMore
-
आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट
मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।
थप सामाग्री
अन्तर्वार्ता More
-
क्युबामा विमान दुर्घटना : सयभन्दा बढीको ज्यान गयो
जेठ ५ – क्युबाको राजधानी हवानामा भएको विमान दुर्घटनामा परेर १ सय १० जना भन्दा धेरैको ज्यान गएको छ ।
थप अन्तर्वार्ता
सातामा धेरैले पढेको
News in English More
Download Programs More
Opinion Poll
Loading...