MENU

समाज

ujyaalo forign call inside

​झुक्याएर मिर्गौैला प्रत्यारोपण गराउनेविरुद्ध कडा कारबाहीको माग

भक्तपुर, जेठ १४ – मानसिक रोगको औषधि सेवन गरिरहेका एक युवकलाई झुक्याए मिर्गौला झिकेर प्रत्यारोपण गर्ने गिरोहलाई पक्राउ गरी कारबाही गर्न माग गरिएको छ ।

शहीद धर्मभक्त मानव अंग प्रत्यारोपण केन्द्रले सोमबार पत्रकार सम्मेलनमा गरी काभ्रेपलाञ्चोकका २९ वर्षका कुमार गिरीको मिर्गौला झिकेर प्रत्यारोपण गर्नेमाथि कडा कारवाही गर्न माग गरेको हो । गएको वैशाख १० गते गिरीको मिर्गौला झिकेर भक्तपुर नगरपालिका–१, सल्लाघारीमा डेरा गरी बस्ने ५१ वर्षका थर्कबहादुर बस्नेतलाई प्रत्यारोपण गरिएको थियो ।

पत्रकार सम्मेलनमा केन्द्रका प्रमुख डाक्टर पुरकारचन्द्र श्रेष्ठले प्रक्रियागत रुपमा सम्पूर्ण कागज मिलाएर सरकारले व्यवस्था गरेअनुसार गठन भएको प्रत्यारोण स्वीकृति समितिले गरेको अन्तिम सिफारिसको आधारमा केन्द्रले मिर्गौला प्रत्यारोपण गरेको बताउनुभयो । उहाँले नक्कली कागज बनाउएर अस्पताल र प्रशासनलाई समेत झुक्याउने गिरोहलाई कडा कारबाही हुनुपर्ने माग गर्नुभयो । 

केन्द्रका नेफ्रोलोजिष्ट डाक्टर कल्पना श्रेष्ठले यो घटनामा अस्पतालको कुनै दोष नभएको दाबी गर्नुभयो । उहाँले भन्नुभयो, ‘वडा कार्यालयदेखि नै नाता प्रमाणित गरेर सबै प्रक्रिया र कागजपत्रहरु मिलाएर ल्याइएको छ, अप्रेशन हुनुभन्दा अगाडि पनि दातालाई अन्तिम पटक सोध्ने गरिन्छ, यसमा अस्पतालको तर्फबाट कुनै कमजोरी भएको छैन ।’

पत्रकारहरुलाई मिर्गौला प्रत्यारोपण गर्दा थर्कबहादुर र उहाँका छोरा आशिषले पेश गरेको नाता प्रमाणित, शैक्षिक योग्यताको प्रमाणपत्र, नागरिकताको प्रमाणपत्र लगायतका कागजहरु देखाउँदै उहाँले अस्पतालको तर्फबाट कुनै कमजोरी नभएको बताउनुभयो । 

अस्पताल मै संचारकर्मीलाई घटनाबारे जानकारी दिदै पीडित कुमारले भन्नुभयो, ‘म बाटोमा हिँड्दै गर्दा थर्कमानको छोरा आशिषले जबरजस्ती मोटरसाईकलमा हालेर ल्याए । डर, त्रास दिँदै धम्क्याएर मेरो पत्थरी भएको छ, अप्रेशन गर्नुपर्छ भन्दै तर्साएर मिर्गौला झिकेका हुन्, मिर्गौला झिकेपछि उल्टै मलाई तेरो उपचारमा ८ लाख खर्च भयो, पैसा तिर भनेर तर्साएर बाटोमा लगेर छाडिदिए ।’

मिर्गौला झिकेपछि पनि एक साता अस्पताल राखेपछि बस्नेतले थप केही दिन आफ्नै कोठामा राखेर पछि अब काम सकियो भन्दै काठमाडौं सितापाइलामा कुमारको फूपु शारदा गिरीको घर नजिकै लगेर छाडिदिएपछि फूपुको घरमा पुगेका कुमारले नुहाउँदा पेट चिरिएको देखेपछि घटना सार्वजनिक भएको थियो । 

पीडितका परिवार प्रल्हाद गिरीले घटना थाहा पाएपछि महानगरीय प्रहरी परिषर भक्तपुरमा जाहेरी दिए लगत्तै थर्कबहादुरलाई पक्राउ गरेर अनुसन्धान सुरु गरेको छ । गिरोहमा संलग्न रहेको भनिएका आशिष, डल्लुराज र लालचन्द्र भने फरार रहेकाले खोजी भइरहेको प्रहरीको भनाई छ । 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया