MENU

खेल

ujyaalo forign call inside

​लालबन्दी गोल्डकप फुटबल जेठको अन्तिम साताबाट

सर्लाही, जेठ १२ – सर्लाहीको लालबन्दीमा पहिलो पटक लालबन्दी गोल्डकप फुटबल प्रतियोगिता आयोजना गरिने भएको छ ।

राष्ट्रिय स्तरका क्लबहरुको सहभागितामा सर्लाही जिल्ला फुटबल संघ र लालबन्दी नगरपालिकाले संयुक्त रुपमा प्रतियोगिता आयोजना गर्न लागेका हुन् । लायन्स क्लब अफ लालबन्दी सिटी सह–आयोजक रहेको प्रतियोगिता जेठ २४ गतेदेखि सुरु भई असार २ गतेसम्म चल्ने सर्लाही जिल्ला फुटबल संघका महासचिव उज्वल कार्कीले जानकारी दिनुभयो ।

कार्कीका अनुसार लालबन्दी नगरपालिका–६, मा रहेको खेल मैदानमा हुने प्रतियोगितामा सर्लाहीको एक सहित जम्मा १० टिमले सहभागिता जनाउने छन् । आयोजकले शनिबार पत्रकार सम्मेलन आयोजना गरी खेल खेल्नका लागि अहिलेसम्म थ्रीस्टार, मनाङ मस्र्याङ्दी, नेपाल पुलिस, एपिएफ, संकटा क्लब, झापा ११, सहारा क्लब, रुपन्देही ११, सर्लाही ११ र दार्जिलिङ ११ गरी १० क्लबको टुंगो लागेको जानकारी दिएको हो ।

प्रतियोगिताका विजेतालाई ७ लाख र उपबिजेतालाई ३ लाख ५० हजार रुपैयाँ, उदीयमान खेलाडीलाई मोटरसाइकल र उत्कृष्ट खेलाडीलाई नगद पुरस्कारको व्यवस्था गरिएको सर्लाही जिल्ला फुटबल संघका अध्यक्ष ठाकुर बहादुर सुसलिङले बताउनुभयो । 

प्रतियोगिताका लागि अहिले विभिन्न दाताहरुबाट सहयोग संकलन गर्ने तथा खेल मैदानमा संरचना निर्माणको काम तीव्र रुपमा भैरहेको छ । 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया