Total Hits: 2.1 K

सिन्डिकेटको जात्रा

  • Posted: Saturday, May 26, 2018 12:36 PM ( 2 years ago )

डा. बमबहादुर जिताली

नाफाखोरी हैकमको फैलाएर जरा
सीधा–सादा मरेका छन् वैलाएर बरा !
सवारीमा मनोमानी जता हेर्‍यो उतै
एकलौटी नभएको छैन क्षेत्र कतै ।

समितिले चलाएका बस चल्छन् जति
बूढा–पाका यात्रुलाई सताउँछन् अति ।
मनपरी गरी गाडी चलाउँछन् छिटो
सिन्की खाँदे जस्तो गरी पार्छन् धुलोपिठो ।

एकोहोरो मुसारेर युवतीका गाला
भाडा लिन्छन् मनोमानी दादागिरी चाला ।
पकेट मार्ने धन्दा गर्छन् मौका खोजीखोजी
यताउति छामेपछि रित्त्याउँछन् गोजी ।

खलाँसीले हप्काएर गुण्डागर्दी गर्छन्
बसभित्र उठाएर मनपर्दी गर्छन् ।
बोल्छन् कोही रामायण कोही नारायण
सुन्न पनि नसकिने गीता पारायण ।

खोरभित्र भेडा–बाख्रा घचेटेको जस्तै
तन्नेरी र तरुनीले अँचेटेको जस्तै –
ठेलम्ठेल, पेलम्पेल गराएर यात्रा
कतिञ्जेल चल्ने होला यस्तो गाईजात्रा ।

सिन्डिकेट चलाउने बजेट छ ठूलो
भित्रभित्रै मिलाउने बनेको छ दुलो ।
माथिदेखि तलसम्म फैलाएको धन्दा
निरन्तर चुलिँदो छ धन्दा हिजोभन्दा ।

      

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook