MENU

मनोरञ्जन

ujyaalo forign call inside

चर्चित बलिउड निर्देशक सुभास घई नेपाल आउँदै

काठमाडौं, जेठ ९ – प्रसिद्ध बलिउड निर्देशक सुभास घई नेपाल आउने भएका छन् । 

काठमाडौंको मैतिदेवीमा रहेको कान्तिपुर फिल्म एकेडेमी र मुम्बईको प्रसिद्ध फिल्म स्कुल विस्लीङ्ग उड इन्टरनेसनलको संयुक्त आयोजनामा हुन गइरहेको वर्कशप तथा सेमीनारमा बलिउडका शो म्यान तथा चर्चित फिल्म निर्देशक सुभास घई नेपाल आउने भएका हुन् । सुभास घई विस्लीङ्ग उडका फाउण्डर चेयरमेन पनि हुन् । उनले नै नेपाली चेली मनिषा कोइरालालाई १९९१ मा चलचित्र ‘सौदागर’ बाट बलिउडमा इन्ट्री गराएका थिए ।

वर्कशप विशेष गरी मिडिया नलेज, मोबाइल फिल्म मेकिङ्ग, स्क्रिप्ट राइटिङ्ग र फेसन डिजाइनमा केिन्द्रत हुने बताइएको छ ।  यही वर्कशपको लागि मुम्बईबाट निर्देशक घईसँगै स्क्रिप्ट राइटर अन्जुम राजाबली, फेसन डिजाइनर, निशा चन्दा, फिल्म मेकर रवीया नाज्की तथा मुक्ता आर्टस्का म्यानेजिङ डाइरेक्टर राहुल पुरी र नेपालबाट फिल्म डिरेक्टर तथा मिडिया पर्सनालीटी दिनेश डिसी हुनेछन् । 

यही जेठ २० गते काठमाडौंको होटल अन्नपूर्णमा बिहान ९ बजेदेखि साँझ ६ बजेसम्म सञ्चालन हुने उवर्कशपले नेपाली फिल्म, फेसन र मिडियालाई अझ बढी विस्तारित बनाउने विश्वास लिएको कान्तिपुर फिल्म एकेडेमीका सीईओ प्रकाश पुरीले बताए । 

पुरीलगायतको टोली गत महिना मुम्बई पुगेर सुभास घई र विस्लीङ उडलाई नेपालमा फिल्म एजुकेसनलाई प्रवद्र्धन गर्नको लागि यो खालको वर्कसपमा साझेदारी गर्न आग्रह गरेका थिए ।  

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया