Total Hits: 9.4 K

गुण्डा नाइके रिगललाई सर्वस्वसहित जन्मकैद

  • Posted: Tuesday, Apr 24, 2018 20:00 PM ( 2 years ago )

बाँके, वैशाख ११ – नेपालगञ्जमा गुण्डा नाइकेको रुपमा परिचित रिगल ढकाल भनिने योग ढकाललाई कर्तव्य ज्यान मुद्दामा बाँके जिल्ला अदालतले सर्वस्वसहित जन्मकैदको सजाय सुनाएको छ । 

बाँके जिल्ला अदालतका जिल्ला न्यायधीश बिष्णु सुवेदीको इजलाशले  नेपालगञ्जका चेतन मानन्धरको हत्यामा संलग्न रहेको भन्दै ढकाललाई सर्वश्वसहित मङ्गलबार जन्मकैदको सजाय सुनाएको अदालतका श्रेष्तेदार दण्डपाणी लामिछानेले जानकारी दिनुभयो ।
 
तीन वर्षअघि नेपालगन्जको व्यस्त सडकमा दिउन्सोको समयमा खुडा प्रहार गरी हत्या गरिएका नेपालगञ्जका मानन्धरको हत्याका मुख्य आरोपी गुण्डा नाइके रिगल भनिने योग ढकालले जिल्ला अदालत बाँकेमा आत्मसर्मपण गरेको दुईबर्षपछि फैसला भएको हो ।

तीन वर्षअघि नेपालगञ्जको सुर्खेतरोडस्थित धम्बोझी चोकमा नेपालगञ्ज–८ का २९ वर्षीय चेतन मानन्धरलाई २०७२ साल असार २८ गने खुँडा प्रहारी गरी हत्या गर्ने कार्यमा रिगल ढकालको मुख्य संलग्नता र योजना भएको भन्दै प्रहरीले ढकालसहित १५ जनाविरुद्ध जिल्ला अदालत बाँकेमा मुद्दा दर्ता गरेको थियो ।  जसमध्ये एकजनाले मात्रै सफाई पाएका छन् ।

जिल्ला अदालतले हत्यामा संलग्नमध्ये रुकुम पेउघा ७ का २२ वर्षीय प्रशान्त गौतम भनिने प्रेमध्वज खत्रीलाई जन्मकैद, सुर्खेत विनपा ६ का २२ वर्षीय विशाल बस्नेतलाई जन्मकैद, बाँके शम्शेगञ्ज ६ का २९ वर्षीय नवराज खत्रीलाई जन्मकैद, सुर्खेत छिन्चु २ का २५ वर्षीय मोहन खड्कालाई जन्मकैदको सजाय सुनाएको छ ।

यसैगरी सोहनसिंह ढकाललाई १० वर्ष, माधव नेपालीलाई ३ वर्ष, विवाद पाठकलाई ३ वर्ष, हरि वलीलाई ३ वर्ष, प्रितम थापालाई ३ वर्ष, मनिष चौलागाईलाई ३ वर्ष, यमबहादुर बुढामगरलाई ३ वर्ष, दीपेन्द्रसिंह भनिने दीपेन्द्र मल्ललाई ५ वर्ष र केशवबहादुर रोकायलाई ३ वर्षको कैद सजाय सुनाएको छ । यसैगरी दीपक केसीलाई भने सफाई दिएको छ ।

जिल्ला न्यायाधीश सुवेदीले आइतबारदेखि निरन्तर सुनुवाईमा राखेर मुद्धा टुंग्याउनुभएको हो ।  किशोर मानन्धरको जाहेरीले वादी नेपाल सरकार रहेको मुद्धामा रिगल ढकाललगायत १५ जनालाई विपक्षी बनाइएको थियो । सरकारीवादी मुद्धामा जिल्ला न्यायाधीश टेकबहादुर थापाले बहस गर्नुभएको थियो ।

घटनाका समयमा रिगल तरुण दल बाँकेको क्षेत्रीय अध्यक्ष थिए । घटना लगत्तै जिल्ला प्रहरी कार्यालय बाँकेमा आयाोजित पत्रकार भेटघाटमा तत्कालीन प्रहरी प्रमुख वसन्त पन्तले मानन्धरलाई रिगल ढकाल आफैंले खुँडा प्रहार गरी हत्या गरेको प्रत्यक्षदर्शी तथा पक्राउ परेका व्यक्तिको बयानका आधारमा पुष्टि भएको दावी गरेका थिए ।  

प्रतिक्रिया दिनुहोस

City Education Foundation

Ujyaalo TV more

हेर्ने कथा ६ - चिया बगानका शिकारीहरु Play

हेर्ने कथा ६ - चिया बगानका शिकारीहरु

ब्लग उज्यालोअँध्यारोMore

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

थप सामाग्री

Week in Pictures More

उज्यालो रेडियो उत्सव

उज्यालो रेडियो उत्सव

अन्तर्वार्ता More

थप अन्तर्वार्ता

News in English More

Download Programs More

Opinion Poll

Loading...

Join us on Facebook