राजनीति
प्रदेश नम्बर २ : तीन तहको नतिजा आउन बाँकी, कहाँ के हुँदै छ ?
- Tuesday, Sep 26, 2017
- 20:18 PM ( 12 months ago )
- Total Views: 12.7 K
काठमाडौं, असोज १० – प्रदेश नम्बर २ का तीन स्थानीय तहको अन्तिम चुनावी परिणाम आउन बाँकी छ । पर्साको विरगंज महानगरपालिका, बाराको कलैया उपमहानगरपालिका र सप्तरीको राजविराज नगरपालिकाको नतिजा आउन बाँकी छ ।
पछिल्लो परिणामअनुसार बाराको बारागढी गाउँपालिकाको अध्यक्षमा कांग्रेसका देवदत्त बछार थारु र उपाध्यक्षमा संघीय समाजवादी फोरम नेपालकी लक्ष्मीदेवी राय विजयी हुनुभएको छ । अहिलेसम्म १ सय ३३ तहको नजिता आएकोमा, नेपाली कांग्रेस ३९, संघीय फोरम २५, राजपा २४, माओवादी केन्द्र २१, एमाले १८ फोरम लोकतान्त्रिक ३ र ३ तहमा अन्य दल विजयी भएका छन् । दलहरुले मेयर र उपमेयरको पुनः मतगणना गर्न माग गर्दै मंगलबारदेखि रोकिएको विरगंज महानगरपालिकाको मतगणना बुधबार दिउँसोदेखि शुरु भएको छ ।
वीरगंज महानगर
प्रदेश नम्बर २ को एकमात्र महानगरपालिका वीरगञ्जमा संघीय समाजवादी फोरमले अग्रता लिइरहेको छ । नेपाली कांग्रेस दोस्रो स्थानमा छ । ८४ हजार भन्दा बढी मत खसेकोमा ७३ हजार ७२ मत गन्दा कांग्रेसलाई पछि पार्दै संघीय समाजवादी फोरम नेपालले अग्रता लिइरहेको हो । मतगणनाको सुरुमा राजपा अघि रहेको थियो । त्यसपछि कांग्रेसले अग्रता लिएकोमा अहिले फोरम अघि आएको हो । उपमेयरमा भने कांग्रेसले अग्रता लिएको छ ।
संघीय समाजवादी फोरम नेपाल
मेयर (विजयी सरावगी): १६८४१
उपमेयर (पिंकी यादव): १५९७६
नेपाली कांग्रेस
मेयर (अजयकुमार द्विवेदी): १५५४०
उपमेयर (शान्ति कार्की): १७९०५
राजपा
मेयर (राजेशमान सिंह): १००८१
उपमेयर (रम्भा मिश्र): ८८७५
माओवादी केन्द्र
मेयर (रहबर अन्सारी): ७६२१
उपमेयर (दुर्गा क्षेत्री): ४६४३
नेकपा एमाले
मेयर (बसुरुद्दिन अन्सारी): ७६१३
उपमेयर (सोफिया आचार्य): ९१८९
फोरम लोकतान्त्रिक
मेयर (विमल श्रीवास्तव): ७०१०१
उपमेयर (रींकू यादव): ६०८८
कलैया उपमहानगरपालिका
मंगलबारदेखि रोकिएको बाराको कलैया उपमहानगरपालिकाको वडा नम्बर २० को मतगणना पनि शुरु भएको छ । एमालेका वडा अध्यक्ष उम्मेदवार शम्भु गिरी र राजपाका वडा अध्यक्ष उम्मेदवार जितेन्द्र सिंहले बहिष्कार गरे पनि मतगणना सुरु गरिएको हो । मतपत्रमा स्वस्तिक छाप फरक भएको भन्दै उनीहरुले पुनः मतदान हुनुपर्ने माग गरेका छन् । बाराको कलैया उपमहानगरपालिकामा एमालेका मेयरका उम्मेदवार विनोदप्रसाद शाहले १० हजार ६ सय ३१ मत ल्याउनुभएको छ । कांग्रेसका राजेश राई यादवले १० हजार ५ सय ६१ मतसहित पछ्याइरहनुभएको छ ।
राजविराज नगरपालिका
सप्तरीको राजविराज नगरपालिकामा २ हजार २० मतसहित राजपा अघि छ । राजविराज नगरपालिकाको ५ वटा वडाको मतगणना गर्न बाँकी छ ।
सम्बन्धित सामग्रीहरु
-
सांसद गजेन्द्रले भने : म रोएको होइन, मेरो आवाज नै त्यस्तो हो
काठमाडौं, जेठ १७ – नेपाल कम्युनिष्ट पार्टी (नेकपा) जुम्लाका सांसद गजेन्द्रबहादुर महतले आफू रोएको भनेर सञ्चारमाध्यममा आएको खबर गलत भएको बताउनुभएको छ ।
-
अर्थमन्त्रीले औंलो ठड्याएर निजी क्षेत्रलाई धम्क्याउनुभयो : सांसद विश्वकर्मा
काठमाडौं, जेठ १७ – नेपाली कांग्रेसका सांसद मीनबहादुर विश्वकर्माले अर्थमन्त्रीले निजी क्षेत्रलाई धम्क्याउने काम गरेको आरोप लगाउनुभएको छ ।
-
सांसदलाई तह लगाउने बजेट आएको भन्दै संसदमै रोए सांसद
काठमाडौं, जेठ १७ – सांसद गजेन्द्रबहादुर महतले अर्थमन्त्रीले सांसदहरुको अपमान गर्ने काम गरेको भन्दै प्रतिनिधिसभा बैठकमा नै रुनुभएको छ ।
-
सुन तस्करीका अभियुक्त एसएसपी खत्रीले गरे अदालतमा आत्मसमर्पण
काठमाडौं, जेठ १७ – ३३ किलो सुन तस्करीमा संलग्न रहेको अभियोग लागेका प्रहरी बरिष्ठ उपरीक्षक श्याम खत्रीले अदालतमा आत्मसमर्पण गरेका छन् ।
-
नेकपाको नामबाट अण्डरलाइन हट्ने
काठमाडौं, जेठ १७ – एमाले र माओवादी मिलेर बनेको नेपाल कम्युनिष्ट पार्टीले आफ्नो नाम संशोधन गर्ने भएको छ ।
-
साढे ३३ किलो सुन तस्करी प्रकरण : एसएसपी खत्री जेल चलान
मोरङ, जेठ १७ – साढे ३३ किलो सुनसँग जोडिएका एसएसपी श्याम खत्रीलाई अदालतले पुर्पक्षको लागि जेल चलान गरेको छ ।
- प्रधानमन्त्री कप क्रिकेट : आर्मीले प्रदेश दुईलाई ५५ रनले हरायो
- एनसेलले दियो इञ्जिनियरिङका विद्यार्थीलाई छात्रवृत्ति
- छुवाछूत उन्मूलन दिवस मनाउने तयारी
- सांसद गजेन्द्रले भने : म रोएको होइन, मेरो आवाज नै त्यस्तो हो
- रियल मड्रिडका प्रशिक्षक जिदानले अचानक दिए राजीनामा
- २० जना विद्यार्थीमा मास हिस्टेरियाको समस्या, विद्यालय बन्द
- जबरजस्ती करणी गर्नेलाई पाँच वर्ष कैद
- अर्थमन्त्रीले औंलो ठड्याएर निजी क्षेत्रलाई धम्क्याउनुभयो : सांसद विश्वकर्मा
- घुससहित मालपोतका नासु र सहयोगी पक्राउ
प्रतिक्रिया दिनुहोस