Total Hits: 4.0 K

काममा पेलाई र गाली सुनेपछि लाग्यो, विदेशमा काम गर्न शाखा सन्तान नजाउन

मिसन विरही खड्का ।

आजभन्दा ५ वर्ष अगाडि म रोजगारीका लागि युएई गएको थिएँ । त्यसबेला मेरो उमेर १९ वर्ष थियो । घरमा आमाबाले विदेश नजाउ, पढ भन्दा पनि म धेरै र छिट्टै पैसा कमाउने सपना बोकेर युएई पुगेको हुँ । पैसा कमाएर बाआमालाई सुखसँग राख्ने रहर पनि थियो । 

जब म युएईको एयरपोर्टमा झरेँ, त्यसैबेला मेरा सपना चकनाचुर भएजस्तो लाग्यो । फर्केर नेपाल टेक्न पाउँदिन झैं मनमा लाग्यो । एयरपोर्ट बाहिर कम्पनीको मान्छे लिन आएका रहेछन् । म सहित सात जनालाई गाडीमा लिएर कम्पनीको अफिसमा लग्यो । 

पाँचतारे होटलमा खाना सर्भिस गर्ने भनेर हामी सबैजना गएका थियौं । तर म्यानेजरले तिमीहरु वेटर होइन, क्लिनर हो, जुठो भाँडाकुँडा सफा गर्नुपर्छ भन्यो । म त छाँगाबाट झरे जस्तै भएँ । 

कत्रो सपना बोकेर आएको थिएँ । खाना सर्भिस गर्दा ग्राहकले टिप्स पनि दिन्छ भन्ने सुनेको थिएँ । त्यसो भयो भने विदेश जाँदा लागेको ऋण छिट्टै तिरेर ठूलो घर बनाउँला, भाइलाई धेरै पढाउँला भन्ने सोचेको थिएँ । त्यो सपना कम्पनीको अफिसमा पुग्न साथ टुट्यो । 

एक मनले त घर फर्किएर जाउँ भन्ने लाग्यो । अर्को मनले साहुको ऋण सम्झियो । अनि दुःखसुख २ वर्ष बिताउने निर्णय गरियो । भोलिपल्ट देखि ड्युटी सुरु भयो । ग्राहकले खाना खाएको प्लेट, पकाएका अरु भाँडाकुँडा देखि स्टाफका लागि खाना बनाउने भाँडा सफा गरियो । जिन्दगीमा कहिल्यै नदेखेको भाँडा देखियो । भाँडा भित्रै पसेर दुई हातले सफा गर्दा पनि नभेट्टाउने । 

भाषा नजान्ने । गाली र पेलाई त कति हो कुरै छोडिदिनु । नेपालीले नेपालीलाई पेल्ने, गाली गर्ने । त्यो देखेर मलाई बस्नै मन लागेन । मन नभए पनि बस्नुपर्ने बाध्यता थियो । साहुको ऋण लिएर कमाउन विदेश हिँडेको, त्यसै फर्केर हुन्नथ्यो । 

दुःखसुख काम चल्दै थियो होटलमा । जुठो भाँडा माझ्दा कहिलेकाँही त बिहानको ३/४ पनि बज्थ्यो । कोठा गयो अनि लगत्तै बिहान १० बजे ड्युटी आउनुपर्ने । निन्द्रा पूरै खल्बलिने । कहिले सुत्न पाइन्नथ्यो । १४ घण्टा ड्युटी गर्नुपर्ने । यस्तो लाग्थ्यो, विदेशमा काम गर्न मेरा शाखा सन्तान नआउन् । यहाँ गर्ने दुःख नेपालमा गर्‍यो भने सुन फलाउन सकिन्छ । 

  • आफ्नो कथा, तस्बिर र भिडियोहरु पठाउनुहोस्

    तपाईं कामका सिलसिलामा नेपाल बाहिर हुनुहुन्छ वा विदेशमा काम गरी फर्किनु भएको हो भने तपाईंको परदेश बसाईको अनुभव पठाउन आग्रह गर्दछौं । तपाईंले आफ्नो तस्बिर सहित पठाउनु भएका सामग्री हामी यहाँ राख्छौं । यसैगरी तपाईंले खिचेका सुन्दर र रोचक तस्बिरहरु तथा भिडियो पनि [email protected] मा इमेल गर्नुहोला । तस्बिर तथा भिडियो पठाउँदा आफ्नो नाम, हाल तपाईं बस्नुभएको ठाउँ, नेपालको ठेगाना र तस्बिर वा भिडियो कहिले, कहाँ खिच्नु भएको हो भन्ने जानकारी सहित पठाउनु होला । 

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More