Total Hits: 2.0 K

​वैदेशिक रोजगारीले ल्याउने समस्यामा गम्भिर हुनुपर्नेमा जोड

  • Posted: Sunday, May 27, 2018 17:05 PM ( 2 years ago )

सिर्जना बस्नेत/रामेछाप । 

जेठ १३ – आप्रवासी कामदार हकहित संरक्षण केन्द्र रामेछापको साधारणसभामा बोल्ने वक्ताले वैदेशिक रोजगारीका उत्पन्न समस्याप्रति सरोकारवाला सबै गम्भिर हुनुपर्ने बताएका छन् ।

केन्द्रको पहिलो साधारणसभामा बोल्दै उनीहरुले वैदेशिक रोजगारीका कारण आइरहेका समस्या समाधान नगरे त्यसले समाजमा नकारात्मक असर पार्ने बताएका हुन् ।

मन्थली नगरपालिकाका प्रमुख रमेशकुमार बस्नेतले जिल्लाबाट वैदेशिक रोजगारीमा जानेको संख्या बढीरहेकोले यसलाई नियन्त्रण गरेर स्वदेशमा नै रोजागरीको सिर्जना गर्न नसके जिल्लाको दिगो विकास हुन नसक्ने बताउनुभयो ।

युवाहरु विदेशिँदा भइरहेका सामाजिक तथा पारिवारिक बिखण्डनका घटनाप्रति संबेदनशिल बन्न नसक्ने हो भने सामाजिक चक्र नै उल्टो दिशातिर घुम्ने भन्दै सवै सरोकारवालाको ध्यान जान जरुरी रहेको बताउनुभयो । त्यसैले सबै उमेर समुहका व्यक्तिहरुलाई योजना निर्माणको प्राथमिकतामा राखेर मन्थली नगरपालिका योजना सहित अघि बढ्ने उहाँको भनाई छ ।

रामेछापका प्रमुख जिल्ला अधिकारी कृष्णप्रसाद शर्माले वैदेशिक रोजगारीका कारण ठगी, शोषण, पारिवारिक विखण्डन, मृत्यु, अङ्गभङ्ग, जेल सजाय, बेपत्ता हुने समस्या धेरै आइरहेको भन्दै त्यसको समाधानका लागि सबै लाग्नुपर्ने बताउनुभयो । 

केन्द्रले जिल्लाबाट आर्थिक वर्ष २०६७/६८ देखि २०७३/७४ सम्म २९ हजार ७ सय २६ जना वैदेशिक रोजगारीका लागि गएको तथ्याङ्क पनि सार्वजनिक गरेको छ । विदेश गएका मध्येमा पनि धेरैले सोचे अनुसारको काम नपाएर फर्कनु परेको, जेल परेको, मृत्यु भएको भन्दै केन्द्रको तदर्थ समितिका सचिव डुब्चन लामाले त्यस्तो बेला आइपर्ने समस्या समाधान गर्न केन्द्र गठन गरिएको बताउनुभयो । 

यस्तै साधारणसभाले वैदेशिक रोजगारीलाई सीपयुक्त, ठगि मुक्त र सुरक्षित बनाउने उद्दश्यले स्थापना भएको केन्द्र तदर्थ समिति यथावत हुने र केही व्यक्तिको जिम्मेवारी हेरफेर गरेर नयाँ कार्यसमिति चयन गरेको छ । 

अध्यक्ष हरिराम कार्कीको नेतृत्वमा १३ सदस्यीय कार्यसमिति सर्वसम्मत चयन गरेको छ । उपाध्यक्ष हिरालाल श्रेष्ठ, सचिव डुब्चन लामा, सहसचिव नवराज तामाङ, कोषाध्यक्षमा लक्ष्मी तामाङ हुनुहुन्छ । यस्तै सदस्यहरुमा उर्मिला मोक्तान, उत्तरकुमारी श्रेष्ठ, निरमाया तामाङ, तारादेवी भण्डारी, सरोज थापा, चेतबहादुर खड्का, केशव पाख्रिन, शिवलाल श्रेष्ठ चयन हुनुभएको छ । 

नव निर्वाचित पदाधिकारी तथा सदस्यलाई सामुदायिक जनशक्ति विकास कार्यक्रम गोल्माटारका कार्यक्रम संयोजक सागर बिक्रम बस्नेतले सपथ ग्रहण गराउनु भएको थियो । 

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More