Total Hits: 2.9 K

उज्यालोको समाचार प्रभाव : युएईमा अलपत्र १० जनालाई खानाको व्यवस्था जुट्यो

  • Posted: Friday, May 25, 2018 18:02 PM ( 2 years ago )

उमाकान्त पाण्डे/उज्यालो । 

युएई, जेठ ११ –  सारजाहकाे सनैया ३ मा अलपत्र १० जना नेपालीलाई खानाको व्यवस्था भएको छ । सारजाहको लिडरसिप सेक्युरिटी सर्भिसेसमा काम गर्न आएका उनीहरुलाई  सम्झौता अनुसारको सेवा सुविधा नदिएपछि अलपत्र परेका थिए ।

दुई महिनादेखि तलब समेत नपाउँदा खान पनि समस्या भइरहेको उनीहरुले बताएका थिए । खानाको समेत समस्या परेको खबर उज्यालो अनलाइनमा प्रकाशन भएको चार घण्टामै युएईमा रहेका गायक प्रकाश पौडेलको सक्रियतामा सारजाहमा कार्यरत मन्दिप खरेल र सन्दिप सिग्देलले एक हप्ताका लागि पुग्ने खानाको व्यवस्था गरिएको हो ।

उनीहरु बस्ने कोठामा जम्मा गरेर राख्न सक्ने अवस्था नभएकोले केही नगद सहित सहयोग गरिएको मन्दिप खरेलले बताउनुभयो ।  अलपत्र १० जनालाई उनीहरु बस्ने क्याम्पमै पुगेर चामल, तरकारी, प्याज, नुन तेल सहित खानाको व्यवस्था गरेको रबिन्द्र सिग्देलले जानकारी दिनुभयो ।

अलपत्र नेपालीहरुको निवेदन सहयोगी बिक्रम खड्काको सहयोगमा बुधवार दूतावासमा बुझाईएको र तीन दिनसम्म पनि कुनै सहयोग नपाएको बारे खबर उज्यालोमा प्रकाशन भएपछि आफूहरुले राहत पाएको सिमराह बाराका नारायण पौडेलले बताउनुभयो । 

म्यानपावरले गराएको सम्झौता अनुसार कामदारले ७ महिनासम्म सेवा सुविधा नपाएको र अरु कम्पनीमा सम्झौता अनुसारको काममा लगाउन सके अझै पनि युएईमै रहन चाहेको पीडितहरुले बताएका छन ।

तर पटक पटक नेपाली कामदार ल्याएर अलपत्र पार्ने र दूतावासको कालोसूचीमा रहेको कम्पनीमा आफुहरुले काम गर्न नसक्ने उनीहरुको भनाइ छ । आफूहरुले म्यानपावरलाई बुझाएको ३ लाख ५० हजार रुपैयाँ क्षतिपुर्ति उपलब्ध गराएर नेपाल फर्काइदिन पीडितहरुले दुतावासलाई अनुरोध गरेका छन ।

यो कम्पनीमा यसअघि पनि नेपाली कामदारलाई समस्या भएको थियो । कम्पनीमा कामदार पठाउन नहुने भन्दै दुतावासले कम्पनीलाई कालो सुचीमा राखेर वैदेशिक रोजगार विभाग काठमाडौंमा सिफारिस पनि गरेको थियो ।

यो पनि पढ्नुहोस् । 

युएईमा १० जना नेपाली अलपत्र, कालोसूचीमा परेको कम्पनीमा कसरी आए कामदार ?

प्रतिक्रिया दिनुहोस

captcha captcha

सुझाव र प्रतिक्रिया

Send Suggestions
  • माग पत्रमा फ्रि भिसा फ्रि टिकट लेखिएको जान्दा जान्दै पनि म्यानपावरका एजेन्ट भनाउँदा दलालले एक लाख देखि दुई लाखसम्म रकम लिने गर्दछन् र दश हजार मात्रै तिरेको कागजमा सही गराउँने जुन कर्तुत गरिरहेका छन् चाँडो भन्दा चाँडो वर्षौं देखि चलेको यो कालो कर्तुतको अन्त्य गरिनु पर्यो सरकार ! यही नै सबैका लागि ठूलो सेवा सुविधा हुनेछ सरकार।

  • कोरियन साहुको किचकिच, काम गाह्रो, भनेको समयमा कम्पनी परिवर्तन गर्न नसकिने आदि कोरियाको मुख्य समस्या हो।
    बाँकी अरू त सबै ठीकै छ। काम अनुसारको तलव, हावापानी, बाटो घाटो, बसाई, ईन्टरनेट सुविधा सबै राम्रो छ।

    निशान राई / दक्षिण कोरिया

  • खासै त समस्या छैन तर यसो जानेको कुरो गरुम् भनेर मेरो अनुभव यस्तो छः
    -भाषाको समस्या, 
    -भनेको काम नभइ अर्को काममा लगाउने,
    -कम्पनी राम्रो पर्‍यो भने ठिकै हुन्छ खराब पर्‍यो भने बर्बाद नै हुन्छ,
    -तोकेको सेलरी भन्दा कम,
    -यदि पहिलो चोटि विदेश हिड्नु हुदैछ भने अलिकती भए पनि भाषा जान्नुहोस्

    अबिर मान लिम्बु / साउदी अरब

  • हामीहरूलाई मलेसिया आएको ३ महिना भयो। हामीहरूले सम्झौता अनुसार  तलब पाएका छैनौं। काम अनुसार पैसा पाएका छैनौं। बरू उल्टै पैसा पनि काट्यो। हामीहरू लालधनुष म्यानपावरबाट आएका हौं। हामीहरू यहाँ बाङ्गी प्लासटिक टेक्निक कम्पनीमा  आएका छौं। हामीहरू २७ जनाको समुह छ। सबैको ५०० को दरले पैसा काटिरहेको छ। हामीहरू नेपालमा एक लाख ३० हजार तिरेर आएका हौं। कम्पनीलाई गुनासो गर्दा त्यो पैसा नेपालकै म्यानपावरले लिन्छ र यहाँको नेपाली दलालले खान्छन् भन्छ।  पसिना चुहाएर काम गर्छौं हामीहरू पैसा खान्छन् यीनीहरू। हामीहरूको यो ठूलो समस्या हो यो कुरा सरकारी निकायसम्म पुगोस् भन्ने हामीहरू आश राखेका छौं।

    दुर्गानन्द मंडल / सेलेङगर , मलेसिया

  • कामदारको सुरक्षा गर्छु भनेर त बोल्ने मात्रै हुन् । काम कसैले गर्दैनन् । मलाई नै काठमाडौको म्यानपावरको बुटवलमा रहेको शाखाले आजभन्दा २ महिना अघि एक लाख १० हजार लिएर इलेक्ट्रिकल हेल्पर भनेर कतार पठायो । तर कतार पुगेपछि मैले भनेको काम र तलब पाईन् । म्यानपावर र सरकारी निकायले एक अर्कालाइ दोष लगाएर तर्किन खोज्छन् । म्यानपावर कहिले जिम्मेवार हुने अनि सरकारी निकायले कामदारलाई परेको पीडा कहिले बुझ्ने ? 

View more

Radio Programs More